يراكتىڭ جارتىلاي اۆتونوميالىق كۇردتەر وبلىسى بۇگىن باعداد تاراپىنان تونگەن قاۋىپكە قاراماستان تاۋەلسىزدىك ماسەلەسىن داۋىسقا سالدى، دەپ جازادى Qamshy.kz اقپارات اگەنتتىگى.

يراكتىق كۇردستان ايماقتىق بيلىگىنىڭ پرەزيدەنتى ماسۋد بارزاني داۋىسقا سالۋ ارقىلى 1991 جىلدان بەرى اۆتونوميالىق وبلىس اتانىپ كەلگەن، سونداي-اق قارۋلى يسلاميستەرگە قارسى كۇرەستە ماڭىزدى ءرول اتقارعان وبلىستىڭ تاۋەلسىزدىككە باعىتتاعان العاشقى قادامى ەكەنىن مالىمدەدى.

12 مىڭعا جۋىق سايلاۋ ۋچاسكىلەرى تاڭعى ساعات 8-دە اشىلىپ، ايماقتا 5،3 ميلليون سايلاۋشى تىركەلگەن. داۋىس بەرۋ كابينالارى 12 ساعات بويى اشىق تۇرادى.

«باعدادپەن سەرىكتەستىك ورناتۋ ساتسىزدىككە اكەلدى جانە مۇنى ەندىگى قايتالامايمىز»، - دەدى بارزاني 24 قىركۇيەك كۇنى ەربيلدە وتكەن پرەسس-كونفەرەنسيادا.

ءوز كەزەگىندە بۇۇ، اقش جانە وزگە دە باتىس ەلدەرى اتالمىش رەفەرەندۋمعا قاتىستى الاڭداۋشىلىق تۋدىردى. مۇنداي داۋلى اۋدانداردا تارتىپسىزدىك ورناسا، دايش ەكسترەميستىك توبىنا قارسى سوعىستىڭ نازارىن وزىنە اۋدارادى.

سونداي-اق رەفەرەندۋمدى وتكىزۋ يدەياسىن باعداد، تۇركيا جانە يران سىندى مەملەكەتتەر ايىپتادى.