7 قازاندا رەسەي پرەزيدەنتى ۆلاديمير پۋتين ءوزىنىڭ 65 جاسقا تولعان مەرەيتويىن اتاپ ءوتتى. بارىمىزگە ءمالىم، رەسەي مەن قازاقستان بىرنەشە جىل كولەمىندە ستراتەگيالىق جانە دوستىق قارىم-قاتىناستى ۇزبەي كەلەدى. سوعان قاراماستان رەسەي باسشىسى قازاستانعا قاتىستى نەبىر تەرىس پىكىرلەرىن بىلدىرگەن ساتتەرى دە جوق ەمەس. ءپۋتيننىڭ قازاقستان جايىندا ايتقان داۋلى پىكىرلەرىن Qamshy.kz اقپارات اگەنتتىگى وقىرمان نازارىنا ۇسىنادى.
«قازاقتاردا مەملەكەت بولماعان»
2014 جىلى «سەليگەر-2014» جاستار فورۋمىندا پۋتين قازاقستان جايىندا كوپ ايتتى، ءارى باسشىنىڭ ءار ايتقانى قازاق قوعامىنا تۇرپىدەي ءتيدى.
«قازاقتاردا مەملەكەت بولماعان. ونى قۇرعان نۇرسۇلتان نازاربايەۆ»، – دەگەن ەدى پۋتين.
سونداي-اق فورۋمدا ءسوز سويلەگەن پۋتين قازاقستاننىڭ رەسەيمەن تىعىز ستراتەگيالىق بايلانىستا ەكەنىن ءمالىم ەتتى. ءپۋتيننىڭ سوزىنشە، نازاربايەۆ بۇرىن-سوڭدى بولماعان مەملەكەتتەن ۇلكەن مەملەكەت قۇرا ءبىلدى.
پۋتين قازاقستان پرەزيدەنتىن ساۋاتتى باسشى دەپ اتادى
«پوستۇكىمەتتىك اۋقىمدا ول ەڭ ساۋاتتى پرەزيدەنت. ول حالقىنىڭ ەركىنەن تىس ەشقانداي قادامعا بارمايدى، حالقىنىڭ نە قالايتىنىن جاقسى بىلەدى. قازاقستاننىڭ مەملەكەت بولىپ قالىپتاسۋى نازاربايەۆتىڭ بىلىكتىلىگى، ۇيىمداستىرۋشىلىق تالانتى، ساياسي ساۋاتىنىڭ ارقاسىندا جۇزەگە استى».
«قازاقستانعا ۇلتشىلدىقتىڭ ورالۋى ءبىزدى الاڭداتىپ وتىر»
«ەگەر نازاربايەۆ مىرزا لاۋازىمىنان كەتسە، «ۋكراينالىق سەنارييدى» دامتىۋ مۇمكىن بە؟»، – دەپ ساۋال تاستادى رەسەي حالىقتار دوستىعى ۋنيۆەرسيتەتىنىڭ وكىلى جاستار فورۋمىندا.
ءپۋتيننىڭ جاۋابى مىناداي بولدى:
«ءبىزدى الاڭداتىپ وتىرعان جاعداي – قازاقستانعا، اسىرەسە ەلدىڭ وڭتۇستىك ايماعىنا ۇلتشىلدىقتىڭ ورالۋى.
قازاقستان – بىزگە ستراتەگيالىق سەرىكتەس، ءارى وداقتاس مەملەكەت. ارينە، حالقىنىڭ سانى جونىنەن رەسەيدەن 10 ەسەگە كەم. قانشا حالىق؟ 15 ميلليون اعان... سونىڭ وزىندە ەۋروپالىق ستاندارت بويىنشا ءىرى مەملەكەت».
«ءبىزدىڭ ۋنيۆەرسيادا قازاقستاننان دا جوعارى دەڭگەيدە ءوتۋ كەرەك»
رەسەي پرەزيدەنتى ۆلاديمير پۋتين الماتىدا وتكەن ۋنيۆەرسيادانىڭ جوعارى دەڭگەيىن اتاپ ءوتىپ، 2019 جىلى كراسنويارسكىدە وتەتىن ۋنيۆەرسيادا ودان دا كەرەمەت ءوتۋى ءتيىس ەكەنىن ەسكەرتتى.
«ءبىزدىڭ ۋنيۆەرسيادا قازاقستاننان دا كەرەمەت وتەتىن بولادى. بارىنشا تىرىساتىن بولامىز. قازاقستاندىق دوستارىمىزدىڭ ءبىز ءۇشىن الاڭدايتىنى ايقىن. سپورتشىلار لايىقتى دارەجەدە ونەر كورسەتۋى ءۇشىن بار جاعدايدى جاساۋ – ءبىزدىڭ مىندەتىمىز».
الايدا ءپۋتيننىڭ اتالمىش پىكىرى الەۋمەتتىك جەلىدە قىزۋ تالقىعا تۇسكەن.
دەرەككوز: ztb.kz
اۋدارعان: گۇلىم جاقان
