قازاقستاندا سوڭعى كۇندەرى بولعان قوعامدىق ماسەلەلەر جايىندا شەتەلدىك ب ا ق تا ءۇن قوستى. نازاربايەۆتىڭ بابانوۆپەن كەزدەسۋى، قىرعىزستان پرەزيدەنتى المازبەك اتامبايەۆتىڭ قازاقستان جايلى ايتقاندارى ت.ب. ماسەلەلەر شەتەلدىك اگەنتتىكتەردىڭ وزىندىك پىكىر قالىپتاستىرۋىنا سەبەپ بولدى. 

GEZITTER.ORG: «بابانوۆ نازاربايەۆقا نە ءۇشىن قاجەت بولدى...» –  قىركۇيەكتە قىرعىزستان پرەزيدەنتىنە ۇمىتكەر ومىربەك بابانوۆ قازاقستان پرەزيدەنتى نۇرسۇلتان نازاربايەۆپەن كەزدەستى. بۇل كەزدەسۋ قوعامدا قىزۋ تالقىعا ءتۇستى. پرەزيدەنتتىككە ۇمىتكەر سوورونباي جەەنبەكوۆتى قولدايتىنىن مالىمدەگەن تۋرسۋنبەك اكۋن ورتالىق سايلاۋ كوميسسياسىنا بارىپ، سايلاۋ الدى كورشىلەس مەملەكەتتىڭ باسشىسىمەن كەزدەسكەن بابانوۆتى جازالاۋدى تالاپ ەتتى. قىرعىزستان سىرتقى ىستەر مينيسترلىگى قازاقستانعا نارازىلىق نوتاسىن جولدادى. قازاقستان تاراپى ءوز رەاكسياسىن ءبىلدىردى.

IA-CENTR.RU: «اندرەي كارپوۆ. استانا مەن بىشكەك اراسىنداعى اقپاراتتىق سوعىس جالعاسۋدى. المازبەك اتامبايەۆ باعانى كوتەردى» – قىرعىزستان پرەزيدەنتى المازبەك اتامبايەۆ 2017 جىلدىڭ 10-11 قازانىنداعى سوچي قالاسىنا رەسمي ساپارىنان باس تارتتى. اتامبايەۆ مەملەكەت باسشىلارى كەڭەسىنىڭ وتىرىسىنا قاتىسادى دەپ بولجانعان.

ميحايل رەميزوۆ: «ءبىز قازاق ءتىلىنىڭ لاتىن الىپبيىنە اۋىسۋ پروسەسىنە جايباراقات قاراي الامىز»

KNEWS.KG: «اتامبايەۆتىڭ قازاقستان جايلى ايتقانى» – قىرعىزستان پرەزيدەنتى المازبەك اتامبايەۆتىڭ قازاقستاننىڭ الەۋمەتتىك-ەكونومكيالىق جاعدايى تۋراسىنداعى مالىمدەمەسى كورشىلەس مەملەكەتتىڭ شەنەۋنىكتەرىنە مەملەكەتتىڭ حال-احۋالى جايىندا اقپارات بەرۋىنە ءماجبۇر ەتتى. بۇل تۋرالى ساياساتتانۋشى يگور شەستاكوۆ مالىمدەدى.

TAZABEK.KG: «بىشكەكتىڭ نەگىزگى ينۆەستورلارى – جاپونيا، جۇڭگو، سينگاپۋر، نيدەرلاند، تۇركيا جانە قازاقستان – ستاتيستيكا» - بۇل تۋرالى 10 قازاندا بىشكەكتە وتكەن پرەسس-كونفەرەنسيادا ۇلتتىق ستاتيستيكا كوميتەتىنىڭ ينۆەستيسيالار ستاتيستيكاسى ءبولىمىنىڭ باستىعى ۆيكتوريا بيريۋكوۆا مالىمدەدى.

EURASIA.EXPERT: «بەلارۋس جانە قازاقستان شەتەلدىك ينۆەستيسيا يمپورتى بويىنشا رەسەيدى قۋىپ جەتتى» – تمد اياسىندا ءوزارا ينۆەستيسيالاردىڭ ءوسۋى رەسەي ەكونوميكاسىن قالپىنا كەلتىرۋمەن بايلانىستى بولدى. تمد ەلدەرىنىڭ تىكەلەي شەتەلدىك ينۆەستيسيالارى 8%-عا ءوستى.

INOSMI.RU: «وڭتۇستىك كورەيا ورتالىق ازياعا ەكونومكيالىق سوققى جاساماق» – وڭتۇستىك كورەيا ورتالىق ازيا ەلدەرىمەن تەرەڭ ساۋدا بايلانىسىن ورناتاتىن ارنايى اگەنتتىك قۇردى. بۇل باستاما وڭتۇستىك كورەيانىڭ ايماقتارداعى ەكونوميكالىق ءرولىن كەڭەيتۋگە مۇمكىندىك بەرمەك.

EADAILY.COM: «استانا مەن بىشكەك اراسىنداعى قاقتىعىس جيىلەپ كەلەدى: سايقىمازاققا اينالماڭدار» – قازاقستان پرەمەر-مينيسترى باقىتجان ساعىنتايەۆ قىرعىزستان پرەزيدەنتى المازبەك اتامبايەۆتىڭ ايتاقنادارىنا بايلانىستى پىكىر ءبىلدىردى.

شولۋشى: گۇلىم جاقان