ميلان عالىمدارى ماكارون ونىمدەرىن پايدالانۋ نازىك جاندىلاردا جۇرەك-قان تامىر اۋرۋلارىنىڭ دامۋ ءقاۋپىن ۇلعايتاتىنىن انىقتادى. تاجىريبە اياسىندا ماماندار 47 مىڭ ەر مەن ايەلدىڭ ديەتالارىنىڭ ەرەكشەلىگىن سالىستىرىپ كوردى. زەرتتەۋشىلەردە ولاردىڭ مەديسينالىق كارتالارىنداعى اقپارات تا بولعان.
ناتيجەسىندە ماكارون ونىمدەرىن پايدالاناتىن ايەلدەر وسىنداي تاعامدى پايدالانعان ەرلەرگە قاراعاندا جۇرەك دەرتتەرىنەن ەكى ەسە كوپ زارداپ شەككەنى انىقتالعان.
مامانداردىڭ پايىمىنشا، ماكارون ونىمدەرى اعزادا قورىتىلىپ ۇلگەرمەيدى. ءسويتىپ، قانداعى قانت كولەمىنىڭ ارتۋىنا اكەلەدى.
ايەل اعزاسىندا ەستروگەننىڭ ارەكەتىمەن قانداعى گليۋكوزا دەڭگەيىنىڭ كوتەرىلۋى پروسەسى بەلسەندى بولادى. سوندىقتان، ماكارون ونىمدەرىن كوپ پايدالانۋ نازىك جاندىلاردىڭ دەنساۋلىعىنا زيان.
پىكىر قالدىرۋ