بەلورۋس پرەزيدەنتى الەكساندر لۋكاشەنكو سوچيدەگى سامميتتە تمد-نىڭ باياۋ جانە ناتيجەسىز جۇمىس ىستەيتىنىن ايتتى دەپ جازادى Qamshy.kz اقاپارت اگەنتتىگى. ونىڭ ويىنشا، تمد دا رەفورما جۇرگىزۋ قاجەت. 

«شەشىم قابىلداپ جاتىرمىز، الايدا ونىڭ جۇزەگە اسۋىنا ءمان بەرمەيمىز. قابىلدانىپ جاتقان شەشىمدەر دە ءبىزدىڭ دارەجەمىزدە ەمەس. جينالىپ الىپ بارلىعى جاقسى سەكىلدى وتىرامىز. شىن مانىسىندە، ونىمدىلىك وتە تومەن» دەدى بەلورۋس پرەزيدەنتى.

لۋكاشەنكو  تمد-نىڭ پارلامەنتارالىق اسسامبلەياسىنىڭ قىزمەتىن دە سىنادى.

«ەگەر اسسامبلەيا جۇمىسىن دۇرىس جۇرگىزە الماسا ونىڭ قىزمەتىن توقتاتۋعا دا بولادى ەمەس پە؟     بۇعان دەيىن وعان ارنايى ۋاكىلەتتىلىك بەرۋدى ۇسىندىق. زاڭ قابىلدادىق، ءبىراق ونىڭ بىردە-بىرى ءبىزدىڭ ۇلتتىق زاڭىمىزعا ساكەس كەلمەدى» دەدى لۋكاشەنكو.

باق-تا رەسەي مەن بەلورۋسسيانىڭ اراسى قايتا شيەلەنىسە تۇسكەنىن جارىسا جازىپ جاتىر. لۋكاشەنكو «باتىس-2017» وقىتۋىندا پۋتينمەن بىرگە پوليگونعا بارۋدان باس تارتقان. سونىمەن قاتار، تمد ءسامميتىنىڭ اياسىندا پۋتين تەك لۋكاشەنكومەن عانا ارنايى كەزدەسپەگەن.

بەلورۋسسيا پرەزيدەنتى تمد ءۇشىن ساۋدا، ەكونوميكا سالاسى ماڭىزدى ەكەنىن اتاپ ءوتتى. ونىڭ ىشىندە ەركىن ساۋدا-ساتتىق جۇرگىزىلىپ، قاۋىپسىزدىك ماسەلەلەرى قارالۋ قاجەت ەكەنىن باسا ايتتى.