ءوزىڭىزدىڭ وسال جانە مىقتى تۇستارىڭىزدى دۇرىس باعالاي ءبىلۋ اسا پايدالى. سەبەبى ءبىزدى ومىردە العا جەتەلەيتىن، جەتىستىكتەرگە جول سالاتىن – ول، ءسوزسىز، بويىمىزداعى مىقتى قاسيەتتەر. سوندىقتان سىزگە تومەندەگى قىزىقتى تەستتى ۇسىنىپ وتىرمىز. 
الدىڭىزدا 8 ءتيپتى ادامنىڭ كەسكىندەرى بەرىلگەن. ولار ءۇشبۇرىش، دوڭگەلەك جانە كۆادراتتان قۇراستىرىلعان. ءوزىڭىزدى ولاردىڭ قايسىسىمەن بايلانىستىراسىز؟ سونى تاڭداپ، ءوزىڭىز جايلى جاۋاپتى وقي وتىرىڭىز. 
ناتيجەسى: 
1 تيپ – «باسشى» 
1ء-شى تيپتەگى ادامداردىڭ ادەتتە جەتەكشىلىك پەن ۇيىمداستىرۋشىلىققا بەيىمدىلىگى بار. الەۋمەتتىك ماڭىزدىلىعى بار ىس-ارەكەت نورمالارىنا سۇيەنەدى. شەشەندىك قابىلەتكە يە. الەۋمەتتىك ورتادا وڭاي بەيىمدەلەدى. وزگەلەرگە جۇرگىزەتىن ۇستەمدىگىن شەكتەن شىعارمايدى. مۇنداي قاسيەتتەر پسيحيكالىق دامۋ دارەجەسىنە تىكەلەي بايلانىستى ەكەنىن ەستە ۇستاعان ءجون. جوعارعى دارەجەلى دامۋ: جەكە قاسيەتتەرى جاقسى جەتىلگەن، ورنىمەن قولدانا بىلەدى. تومەنگى دارەجە: جوعارىدا ايتىلعان قاسيەتتەرى ءىس جۇزىندە كورىنبەۋى مۇمكىن. 
2 تيپ – «جاۋاپكەرشىلىگى مول ورىنداۋشى» «باسشى» ءتيپىنىڭ كوپ قاسيەتتەرى بويىندا كەزدەسەدى. الايدا، ماڭىزدى شەشىمدەر قابىلدار ساتتە سەنىمسىزدىك تانىتادى. بۇل ءتيپتى ادامدار «ناعىز ءىستىڭ ادامى»، ءوز كاسىبىنىڭ شەبەرى، جاۋاپكەرشىلىگى جوعارى، وزگەلەرگە جانە وزىنە تالاپ قويعىش كەلەدى جانە ەرەكشە شىنشىل. كوبىنە جۇيكە جۇيەسىمەن بايلانىستى سوماتيكالىق اۋرۋلاردان زارداپ شەگەدى. 
3 تيپ – «بەيمازا جانە سەكەمشىل» 
دارىنى مەن قابىلەتتەرىنىڭ جان-جاقتىلىعىمەن سيپاتتالادى. ءبىر عانا ماماندىق يەسى بولۋ ولارعا قاناعات اكەلمەيدى. اياق استىنان كۇتپەگەن ماماندىققا ءوتۋى مۇمكىن. وعان قوسا، قوسالقى ماماندىق رەتىنە سۇيىكتى ءحوببيى دە بولۋى عاجاپ ەمەس. لاستىققا شىداپ تۇرا المايدى. سونىڭ سەبەبىنەن وزگەلەرمەن سوزگە كەلۋى مۇمكىن. وتە سەزىمتال جانە وزىنە سەنىمدىلىگى ازداۋ كەلەدى. سوندىقتان ازداپ قولداۋدى قاجەت ەتەدى. 
4 تيپ – «وقىمىستى» 
بۇل تيپتەگى جاندار شىنايى ومىردەن الىستاۋعا جاقىن. بارلىق نارسەگە ءوز تۇجىرىمدارىن جاساۋعا بەيىم. ىشكى ۇيلەسىمدىكتى ۇستاپ تۇرا الادى جانە ءاربىر قادامىن ۇتىمدى جولمەن ويلاستىرادى. اتاۋلى ءتيپتىڭ وكىلدەرى سينتەتيكالىق ونەر ادامدارىنىڭ اراسىنان كەزدەسەدى: كينو، سيرك، تەاتر، مۋلتيپليكاسيا جانە ت.ب.

5 تيپ – «ءينتۋيتيۆتى» 
5ء-شى تيپتەس ادامدار جۇيكە جۇيەسىنىڭ اسقان سەزىمتالدىعىمەن ەرەكشەلەنەدى. ءبىر ىستەن ەكىنشى ىسكە وڭاي بەت بۇرىپ كىرىسە الادى. «جاڭالىققا» اسقان سەزىمتالدىقپەن قارايدى. وزگەلەرگە ءجيى قامقورلىق جاسايتىن الترۋيستەر. قولونەر زاتتارعا يكەمدى، ءتۇرلى بەينەلەرمەن قيالدايدى. ال بۇل قاسيەتتەر ءوز كەزەگىندە شىعارماشىلىقتىڭ تەحنيكالىق تۇرلەرىمەن اينالىسۋعا مۇمكىندىك بەرەدى. ادەتتە ءوزىنىڭ جانىنان ويلاپ شىعارعان جەكە قاعيدالارى بار، ءوزىن-وزى جاقسى ۇستايدى. 
6 تيپ – «ونەرتاپقىش، كونسترۋكتور، سۋرەتشى» 
تەحنيكالىق قابىلەتتەرى جاقسى دامىعان جانداردىڭ اراسىندا كەزدەسەدى. ۇشقىر قيالدى بۇل تيپ وكىلدەرى ادەتتە تەحنيكالىق، كوركەمونەر جانە ينتەللەكتۋالدىق شىعارماشىلىقپەن اينالىسادى. كوبىنە تۇيىق كەلەدى، ءينتۋيتيۆتى تيپكە ۇقساس جەكە قاعيدالارىنا ساي ءومىر سۇرەدى. اسەرشىل، ءوزىنىڭ تىڭ ءارى قايتالانباس يدەيالارىنا تولىقتاي بەرىلەدى. 
7 تيپ – «ەموسيونالدى» 
وزگەلەرگە جانى اشىعىش، اۋىر مازمۇندى كينولار ءۇشىن قاتتى قايعىرادى، قاتىگەز وقيعالارعا كۋا بولسا، ءبىرازعا دەيىن وزىنە كەلە الماي جۇرەدى. وزگەلەردىڭ قيىندىعىن ءبولىسىپ، جەڭىلدەتەم دەپ ءجۇرىپ، ءوزىن ۇمىتىپ كەتەدى. 
8 تيپ – «وزگەلەردىڭ سەزىمدەرىنە نەمقۇرايلى» 
ەموسينالدى تيپكە قاراما-قارسى. وزگەلەردىڭ ىشكى سەزىمدەرىن ەلەمەيدى، ءتىپتى، ولارعا قىسىم كورسەتۋگە بار. ءوزى قاجەت دەپ بىلگەنىن وزگەلەرگە وتكىزە الادى. جاعدايعا قاراي، كەيدە تىم قاتىگەز.