2016-2019 جىلدارعا ارنالعان «دەنساۋلىق» مەملەكەتتىك باعدارلاماسىن جۇزەگە اسىرۋ ماقساتىندا 2017 جىلدىڭ 1 قازانىنان باستاپ 1 قاراشاعا دەيىن رەسپيراتورلىق ۆيرۋستىق ينفەكسيا، تۇماۋ مەن پنيەۆموكوكتىق ينفەكسيانىڭ الدىن الۋ بويىنشا وڭىردە ايلىق وتكىزىلە باستادى.
وبلىستىق سالاۋاتتى ءومىر سالتىن قالىپتاستىرۋ ورتالىعىنىڭ دارىگەرى گ. پازىلوۆانىڭ ايتۋىنشا، ءجىتى رەسپيراتورلىق ۆيرۋستىق ينفەكسيالار بارلىق ينفەكسيالىق اۋرۋلار اراسىندا 90 %-دى قۇرايدى ەكەن. كوبىنە جرۆي جانە تۇماۋعا بالالار، قارت ادامدار، جوعارى تىنىس الۋ جولدارى مەن برونح-وكپەلىك جۇيەسى سوزىلمالى اۋىراتىندار، يممۋنتاپشىلىعى كۇيىندەگى پاسيەنتتەر شالدىعادى.
-تۇماۋمەن اۋىرعاننان كەيىن برونح دەمىكپەسى، سوزىلمالى برونحيت، جۇرەك-قان تامىر اۋرۋى، زات الماسۋدىڭ بۇزىلۋىنان تۋىنداعان اۋرۋلار سەكىلدى سوزىلمالى اۋرۋلار اسقىنادى. اۋرۋدىڭ نەمەسە ونىڭ اسقىنۋىنىڭ الدىن الۋدىڭ ەڭ ءتيىمدى جولى ۆاكسينالاۋ بولىپ تابىلادى. ۆاكسيناسيا، اسىرەسە، تۇماۋدىڭ اسقىنۋ ءقاۋپى جوعارى توپتاعى ادامدارعا، سونىمەن جوعارى قاۋىپ-قاتەر توبىنداعى ادامدارمەن بىرگە تۇراتىن نەمەسە ولارعا كۇتىم جاسايتىن ادامدار ءۇشىن ماڭىزدى. جرۆي، تۇماۋ مەن پنيەۆموكوكتىق ينفەكسيانىڭ الدىن الۋ ماقساتىندا مىنا قاراپايىم ەرەجەلەردى ساقتاعان ءجون. ياعني، ناۋقاس ادامدارمەن قاتىناسپاۋ، ناۋقاس ادامدارمەن بايلانىس كەزىندە بەتپەردە كيۋ، ينفەكسيانىڭ تارالۋىنىڭ الدىن الۋ ءۇشىن قولدى سابىنمەن نەمەسە باكتەرياعا قارسى قۇرالدارمەن (قۇرامىندا ءسپيرتى بار ەرىتىندىلەرمەن) جۋۋ، ءبىر رەتتىك مۇرىن سۇلگىلەرىن قولدانا وتىرىپ، جوتەلۋ جانە تۇشكىرۋ كەزىندە مۇرىن مەن اۋىزدى جابۋ، ادامدار جاپپاي جينالاتىن ورىندارعا بارماۋ، عيماراتتى ۇنەمى جەلدەتۋ، كوزدى، مۇرىندى، اۋىزدى لاس قولمەن ۇستاماۋ قاجەت،- دەيدى وبلىستىق سالاۋاتتى ءومىر سالتىن قالىپتاستىرۋ ورتالىعىنىڭ اتالمىش مامانى.
سونداي-اق ول تازا اۋادا سەرۋەندەۋدىڭ، دارۋمەندەرگە باي ۇيلەستىرىلگەن تاعام اعزانىڭ كەز كەلگەن ينفەكسيالارعا قارسى تۇرۋىنا كومەكتەسەتىنىن جانە اۋانى تازارتۋدا ۋلتراكۇلگىن ساۋلە، اەروزولدى دەزينفەكتوردى نەمەسە كاتاليتيكالىق اۋا تازارتقىشتى قولدانۋدىڭ ماڭىزدىلىعىن ايتتى.
گۇلىم اقاپ،
باتىس قازاقستان وبلىسى
