بۇگىن پارلامەنت ءماجىلىسىنىڭ سپيكەرى نۇرلان ءنىعماتۋليننىڭ توراعالىعىمەن پالاتانىڭ جالپى وتىرىسى ءوتىپ، دەپۋتاتتار «2018 - 2020 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن ماقۇلدادى دەپ حابارلايدى Qamshy.kz اقپارات اگەنتتىگى.

پارلامەنت پەن ۇكىمەتتىڭ وكىلەتتىگى كۇشەيتىلگەن كونستيتۋسيالىق رەفورما تالاپتارىن نەگىزگە الا وتىرىپ ازىرلەنگەن زاڭ جوباسى قىزۋ تالقىعا ءتۇستى. دەپۋتاتتار اسىرەسە، مەجەلى ماقساتتاردىڭ سوڭعى ناتيجەسىنە ايرىقشا نازار اۋداردى. ويتكەنى، ءتيىستى باعدارلامالار مەن جوبالارعا جەتكىلىكتى قارجى بولىنگەنمەن، ونىڭ ءتيىستى دەڭگەيدە جۇزەگە اسىرىلۋى كوپتەگەن سۇراقتاردىڭ تۋۋىنا سەبەپ بولادى. حالىق قالاۋلىلارى وسى باعىتتا ءبىرقاتار ماسەلەلەردى العا تارتىپ، ناقتى ۇسىنىستارى مەن پىكىرلەرىن جەتكىزدى. ونىڭ بارلىعى ءۇش جىلدىق بيۋدجەتتى ماقۇلداۋ بارىسىندا ەسەپكە الىندى. قورىتىندىلاي كەلە، ءماجىلىس ءتوراعاسى:  

-سونىمەن ءبىز، ەلىمىزدىڭ نەگىزگى قارجى قۇجاتى  - ءۇش جىلدىق بيۋدجەتتى ماقۇلدادىق. بۇل ەلىمىزدىڭ تۇراقتى دامۋى جولىندا پارلامەنتتىڭ دە،   ۇكىمەتتىڭ دە اتقارىپ كەلە جاتقان ەڭ جاۋاپتى،                 ەڭ ماڭىزدى مىندەتتەرىنىڭ   ءبىرى. سوندىقتان،  ءبىز بىرلەسىپ،   ەلباسىمىزدىڭ تاپسىرمالارىن باسشىلىققا الىپ، مەملەكەت قارجىسىن ءتيىمدى پايدالانۋىمىز كەرەك،-دەدى.