بەيجىڭدە قاتتى تۇمان سالدارىنان ءقاۋىپتىڭ سارى دەڭگەيى ۇزارتىلدى. بۇل تۋرالى جۇڭگو استاناسىنىڭ مەتەورولوگيالىق ءبولىمىنىڭ سايتىندا حابارلاندى، دەپ جازادى Qamshy.kz اقپارات اگەنتتىگى.
ءقاۋىپتىڭ سارى دەڭگەيى جايىندا ەسكەرتۋ بەيسەنبى كۇنى جاريالانعان. سول كۇنى كەشكى ۋاقىتتا جۇما كۇنىنە ارنالعان تاعى ءبىر ەسكەرتۋ جاريالاندى.
قالانىڭ كەيبىر اۋداندارىندا كورۋ دەڭگەيى 200 مەترگە دەيىن تومەندەيدى دەپ كۇتىلۋدە. قالا بيلىگى تۇرعىنداردى جول ۇستىندە اباي بولۋعا شاقىردى. اۋەجاي، تەمىر جولدار مەن وزگە دە ترانسپورت قىزمەتتەرىنە قاۋىپسىزدىكتى كۇشەيتۋ ەسكەرتىلدى.
قالىڭ تۇمان قالا استاناسىنا كىرەتىن كەيبىر جولداردىڭ جابىلۋىنا دا سەبەپ بولدى.
