كونگرەسس عيماراتىندا اقش پرەزيدەنتى دونالد ترامپقا رەسەي تۋىنىڭ بىرنەشەۋى لاقتىرىلدى. بۇل تۋرالى Business Insider باسىلىمى حابارلايدى، دەپ جازادى Qamshy.kz اقپارات اگەنتتىگى. وقيعا ترامپتىڭ كونگرەسكە كىرگەن ۋاقىتىندا ورىن العان.
Business Insider باسىلىمىنىڭ مالىمەتىنە سايكەس، پرەزيدەنتكە تۋ لاقتىرعان دونالد ترامپتى قولداعان American Take Action قوزعالىسىنىڭ مۇشەسى رايان كلەيتون. سونداي-اق بەلسەندى داۋىستاپ «ترامپ – ساتقىن! سالىقتى تومەندەتۋ جايىن ەمەس، ساتقىندىقتى ايتىڭدار!» دەپ ايعايعا باستى.
مۇنداي جاعداي ءبىرىنشى رەت بولىپ وتىرعان جوق. ساۋىردە پەنسيلۆانيادا ءسوز سويلەپ تۇرعان ترامپقا كامەرا الدىندا بەلگىسىز ادام رەسەيلىك بىرنەشە تۋ لاقتىرعان ەدى.
ايتا كەتەيىك، اقش-تا پرەزيدەنتتىك سايلاۋعا رەسەيدىڭ قاتىسى بار-جوعىن انىقتاۋ ماقساتىندا تەرگەۋ جۇمىستارى ءجۇرىپ جاتىر. اقش-تىڭ ارنايى پروكۋرورى روبەرت ميۋللەر ترامپتىڭ كرەملمەن قاتىسىن انىقتاۋدا. ءوز كەزەگىندە ماسكەۋ اتالمىش ايىپتاۋلاردى جوققا شىعارعان.
پىكىر قالدىرۋ