وسىدان 95 جىل بۇرىن فيزيك البەرت ەينشتەيننىڭ توكيو قوناقۇيىندەگى حابارشىعا العىس بىلدىرگەن باقىت رەسەپتى يەرۋساليمدە وتكەن اۋكسيوندا 1،5 ميلليون دوللارعا ساتىلدى، دەپ جازادى Qamshy.kz اقپارات اگەنتتىگى.

جەرگىلىكتى باق-تىڭ مالىمەتىنە سۇيەنسەك، 1922 جىلى قاراشادا نوبەل سىيلىعىنىڭ يەگەرى اتانعان فيزيك جاپونيادا دارىستەر وقىپ، حابارشىعا تولەم جاساي الماعان.

اقشا ورنىنا البەرت ەينشتەين قاعازعا نەمىس تىلىندە بىرنەشە ومىرلىك كەڭەستەر جازىپ، كۋرەرگە ۇسىندى. ءارى قاعازدى ءومىرىنىڭ سوڭىنا دەيىن ساقتاۋىن سۇراپ، ونىڭ اقشادان دا قۇندى ەكەنىن ەسكەرتتى.

قاعازدىڭ بىرىندە بىلاي جازىلعان: «تابىسقا جەتۋ جولىندا الاڭداپ ءومىر سۇرگەننەن گورى، تىنىش ءارى قاراپايىم ءومىر باقىت اكەلەدى». ەكىنشى حاتى: «جىگەر بار جەردە، ناتيجە بار».

2000 دوللاردان باستالعان اۋكسيوندا بەلگىسىز ادام ءبىرىنشى حات ءۇشىن 1،56 ميلليون دوللار تولەدى. كەڭەس جازىلعان ەكىنشى حات 240 مىڭ دوللارعا ساتىلدى.

سونداي-اق ەينشتەيننىڭ يەرۋساليمدەگى ەۋروپا ۋنيۆەرسيتەتىنىڭ جەتىستىكتەرىن ماقتان تۇتاتىن ەكى حات 33،6 مىڭ جانە 9،6 مىڭ دوللارعا ساتىلدى.