امەريكالىق بيلىك اقش-تىڭ 35-پرەزيدەنتى دجون كەننەديدىڭ ولىمىنە قاتىستى جاڭا دەرەكتەردى جاريالادى. بۇل تۋرالى Qamshy.kz اقپارات اگەنتتىگى لەنتا.رۋ-عا سىلتەمە بەرىپ حابارلايدى.

1992 جىلى اقش كونگرەسسى بۇل مالىمەتتەر 2017 جىلدىڭ 26 قازانىنان كەشىكپەي حالىققا جاريا ەتىلۋى ءتيىس دەپ بەكىتكەن. وسىعان قاراماستان 300-دەن اسا قۇجات حالىق نازارىنان تىس قالىپ، جاريالانبايتىن بولدى دەپ شەشىلدى. ونىڭ سەبەبىن ترامپ فەدەرالدى اگەنتتىتەر مەن ۆەدومستۆالاردىڭ سۇراۋى بويىنشا ەكەنىن ايتتى. «بۇل ءوتىنىش پەن سۇراۋلاردى قاناعاتتاندىرۋدان باسقا امالىم جوق بولىپ وتىر، سەبەبى ول ءبىزدىڭ ۇلتىمىزدىڭ قاۋىپسىزدىگى ءۇشىن ماڭىزدى»-دەدى ترامپ.

دجون كەننەديدى ولتىرگەن لي حارۆي وسۆالد بەلگىلى بولعان دەرەكتەرگە سايكەس، پرەزيدەنتكە قاستاندىق جاساماس بۇرىن مەكسيكا استاناسىنا بارىپ كەلگەن. وسى ساپارى بارىسىندا ونىڭ كسرو مەن كۋبا ەلشىلىكتەرمەن بايلانىستا بولعانى انىقتالعان. سونىمەن بىرگە، ول كەننەديدى ولتىرگىسى كەلەتىنىن اشىق ايتىپ جۇرگەن.

ل.ح وسۆالد

وسۆالدتىڭ كۋبا ليدەرى فيدەل كاستروعا قاستاندىق جاساماقشى بولعانى تۋرالى مالىمەتتەردى سرۋ جاسىرىن ۇستاعان. وسىعان قاراعاندا، كۋبالىقتار كەننەديدى ولتىرتۋگە سەبەپ بولعان. رەسمي مالىمەتتەر  كەننەديدىڭ ولىمىنە ءبىر عانا قىلمىسكەر كىنالى ەكەنىن ايتىپ وتىر. تەرگەۋ مالىمەتتەرى بويىنشا، لي حارۆي وسۆالد سنايپەرلىك مىلتىقپەن كەننەديدى داللاسقا ساپارعا كەتىپ بارا جاتقان جولدا 1963 جىلدىڭ 22 قاراشاسىندا اتىپ ولتىرگەن. امەريكالىقتاردىڭ 60 پايىزى ءالى دە كەننەديدىڭ ولىمىنە ءوسۆالدتىڭ كىنالى ەمەس ەكەنىن، پرەزيدەنتكە قارسى بىرەۋلەر استىرتىن ءسوز بايلاسىپ قاستاندىق ۇيىمداستىرعانىن ايتادى.

تاعى ءبىر پىكىرلەر بويىنشا، كەننەديدى ۆيسە-پرەزيدەنت ليندون دجونسون ءولتىرۋى مۇمكىن ەدى. كەننەدي سول كەزدە ۆەتنام تەرريتورياسىنداعى اقش  اسكەرىن شىعارماقشى بولعان. الايدا، مۇنداي ارەكەت مۇناي كومپانيالارىنا كەسىرىن تيگىزۋى مۇمكىن ەدى. دجونسون پرەزيدەنتتىڭ بۇل يدەياسىنا قارسى بولعان. دجونسوننىڭ پرەزيدەنتتىكە كەلگەنىنە نەبارى ءتورت كۇن وتكەندە ۆەتنامدىق تەاترداعى امەريكالىق سولداتتاردىڭ بەلسەندىلىگى كۇرت وسكەن.

كەنەدي ولىمىنە ماسسوندار كىنالى بولۋى دا مۇمكىن دەگەن پىكىرلەر بار. ارنايى قۇپيا قىزمەتتەرى مەن فبر، سرۋ سياقتى ۇيىمداردىڭ دا قاتىسى بار بولۋى ابدەن مۇمكىن.

اقش-تىڭ ۇلتتىق ءارحيۆى سايتىندا 2891 قۇجات جاريالانعان. بۇلاردىڭ بارلىعى پرەزيدەنت دجون كەننەديدىڭ ولىمىنە بايلانىستى دەرەكتەر. الايدا بۇل دەرەكتەردىڭ بارلىعى كەننەديدىڭ ولىمىندەگى الدەقاشان بەلگىلى دەرەكتەرگە تەك تولىقتىرۋلار عانا، سەنساسيالىق اقپاراتتار جوق. دەسەك تە، ترامپتىڭ قۇجاتتاردىڭ كوپ بولىگىن حالىق نازارىنا بەرمەي وتىرعانى دا ءالى كوپ سىرلار مەن قۇپيالاردىڭ اشىلماي جاتقانىن كورسەتەتىن سياقتى.