يادرولىق قارۋ شىعاراتىن ءبىر ەلەكتروماگنيتتىك يمپۋلس اقش-تىڭ 90% تۇرعىنىن قىرىپ جىبەرۋگە قاۋقارلى. اتومدىق بومبا ەلەكترونيكانىڭ بارلىعىن ىستەن شىعارا الاتىن ەلەكتروماگنيتتىك يمپۋلس بولەدى.

اقش تەرريتورياسىندا ءبىراق اتموسفەرادان تىس  جاسالعان جارىلىس  بۇكىل كونتينەنتتى توقتان، ەلەكتر ەنەرگياسىنان ايىرىپ اۋە اپاتتارىنا اكەلۋى مۇمكىن. بۇل تۋرالى ريا نوۆوستي حابارلايدى.

«سولتۇستىك كورەياعا الەمگە  ءقاۋىپ ءتوندىرۋ ءۇشىن حالىقارالىق كونتينەنتالدى بالليستيكالىق زىمىراندار قاجەت ەمەس. پحەنيان ءوزىنىڭ تاسىمالداۋشى-زىمىراندارىن پايدالانىپ، اقش اتموسفەراسىندا جارىلىس جاساۋى  مۇمكىن. بۇل ءوز كەزەگىندە جوعارى جيىلىكتەگى ەلەكت ماگنيتتىك يمپۋلستەرگە الىپ كەلەدى. سونىڭ سالدارىنان ەلەكتر ەنەرگەتيكالىق جۇيە بەلگىسىز ۋاقىتقا وشەدى دە، وسى ورايدا 90% تۇرعىننىڭ ولىمىنە سەبەپ بولادى»- دەلىنەدى قۇجاتتا.

الايدا، پەنتاگون كحدر مۇنداي تاۋەكەلگە بارماۋى دا مۇمكىن دەيدى. ونىڭ ۇستىنە ەلەكتروماگنيتتىك يمپۋلستەر تۋىنداۋى ءۇشىن ءبىر عانا جارىلىس جاساۋ جەتكىلىكسىز دەگەن پىكىردە.  وسى ورايدا، كحدر  امەريكاندىق ءبىر قالانى جارۋى ىقتيمال دەيدى پەنتاگون.