شىمكەنتتىڭ اكىمى بولعان عابيدوللا ءابدىراحىموۆ ارىپتەستەرىمەن قوشتاسىپ، ولارعا العىسىن جەتكىزدى، دەپ جازادى Qamshy.kz اقپارات اگەنتتىگى. بۇل تۋرالى Today.kz پورتالى حابارلادى. 

«مەنىڭ مەملەكەتتىك قىزمەتتەگى ەڭ كەرەمەت جىلدارىم شىمكەنتتە ءوتتى. ورىنباسارلارىما، ءبولىم باسشىلارىنا، اۋدان اكىمدەرىنە جانە جەرگىلىكتى پوليسيا قىزمەتىنىڭ باسشىسىنا العىسىمدى بىلدىرەمىن. جۇمىس بارىسىندا ءتۇرلى جاعدايلار كەزدەسەدى، سىزدەردى رەنجىتكەن بولسام، كەشىرىم سۇرايمىن. مەن ءبارىڭىزدى سىيلايمىن!»، - دەدى عابيدوللا ءابدىراحىموۆ.

اكىمنىڭ قول استىندا جۇمىس ىستەگەن قىزمەتكەرلەرى دە عابيدوللا ابىراحىموۆپەن جۇمىس ىستەۋ قىزىقتى ءارى ىڭعايلى ەكەنىن جەتكىزدى.

«سىزبەن جۇمىس ىستەۋ قىزىقتى. كەتكەنىڭىزدى قالاماعان ەدىك. ءبىز عانا ەمەس، شىمكەنتتىكتەردىڭ ءبارى قالامايدى. قالۋىڭىزدى ءوتىندى دە. ءبارى ءسىزدى جاقسى كورەدى، سىيلايدى. بىرگە جۇمىس ىستەگەنىمىز ءۇشىن العىس ايتامىن. الداعى كۇندەرى ءار ءىسىڭىز تابىستى بولسىن دەپ تىلەيمىز. ءسىزدىڭ بىزگە ۇيرەتكەنىڭىز كوپ بولدى. ءبىر كومانداداي جۇمىس ىستەدىك»، - دەدى بيۋدجەتتىك جوسپارلاۋ ءبولىمىنىڭ باستىعى گۇلجان قۇرمانبەكوۆا.

ايتا كەتەيىك، عابيدوللا ءابدىراحىموۆ 2015 جىلى شىمكەنت اكىمى بولىپ تاعايىندالعان. ال 2017 جىلدىڭ 31 قازانىندا «نۇر وتان» پارتياسىنىڭ ءتوراعاسى نۇرسۇلتان نازاربايەۆتىڭ كەلىسىمى بويىنشا پارتيا ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد ورتالىق اپپارات ۇجىمىنا پارتيانىڭ جاڭا حاتشىسى عابيدوللا ءابدىراحىموۆتى تانىستىردى.