قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ەۋرازيا ەۆرەي قاۋىمداستىعىن قولداۋ ۇلتتىق كواليسياسىنىڭ ءتوراعاسى دانيەل رۋبين باستاعان دەلەگاسيانى قابىلدادى دەپ حابارلايدى Qamshy.kz اقپارات اگەنتتىگى.
دانيەل رۋبين ەۋرازيا ەۆرەي قاۋىمداستىعىن قولداۋ ۇلتتىق كواليسياسىنىڭ قىزمەتى مەن الداعى جوسپارى تۋرالى باياندادى. ول ەتنوسارالىق جانە كونفەسسياارالىق كەلىسىمنىڭ قازاقستاندىق مودەلىنە جانە زايىرلىلىق قوعامدى نىعايتۋ شارالارىنا وڭ پىكىر ءبىلدىردى.
مينيستر نۇرلان ەرمەكبايەۆ ءوز سوزىندە ءدىن سالاسىنداعى مەملەكەتتىك ساياساتتىڭ نەگىزگى باعىتتارى تۋرالى ايتىپ، ءدىني راديكاليزمگە قارسى حالىقارالىق قاۋىمداستىقتىڭ بىرلەسكەن ارەكەتىنىڭ ماڭىزدىلىعىن اتادى.
كەزدەسۋدە قازاقستانداعى ەۆرەيلەر قاۋىمداستىعى زاڭدى تىركەۋ نەگىزىندە جۇمىس جۇرگىزەتىندىگى جانە ەلىمىزدەگى باسقا ءدىني بىرلەستىكتەرمەن قاتار قۇقىقتار مەن بوستاندىقتارعا يە ەكەندىگى ايتىلدى.
كەزدەسۋ قورىتىندىسىندا تاراپتار ءدىني راديكاليزمگە قارسى تۇرۋ جانە كونفەسسياارالىق كەلىسىمدى نىعايتۋدا حالىقارالىق بىرلەسكەن ءىس-قيمىلدىڭ قاجەتتىگى جونىندە ورتاق پىكىرگە كەلدى.
