اقش پرەزيدەنتى دونالد ترامپ 31 قازاندا بولعان مانحەتتەندەگى تەررورلىق شابۋىلعا بايلانىستى ءوز پىكىرىن ءبىلدىردى، دەپ حابارلايدى Qamshy.kz اقپارات اگەنتتىگى.

اقش پرەزيدەنتى وزبەكستاندىق 29 جاستاعى سايفۋللو سايپوۆقا ءولىم جازاسىن قولدانۋدى ۇسىنىپ وتىر.

 «نيۋ-يوركتەگى تەرروريست راحاتتانا دايش تۋىن ءوز پالاتاسىنا ءىلىپ قويۋىن سۇراعان. ول 8 ادامدى ءولتىردى. جانە تاعى 12 ادام اۋىر جارالاندى. ول ءولىم جازاسىنا كەسىلۋى كەرەك»، - دەدى اقش پرەزيدەنتى.

ال وزبەكستاندا سايپوۆتىڭ اناسى، اكەسى جانە 17 جاستاعى قارىنداسى تەرگەلۋدە. دەرەككوزدەرگە سۇيەنسەك، تەرگەۋ وزبەكستان پرەزيدەنتى شاۆكات ميرزيايەۆتىڭ امەريكاندىق قانتوگىستى تەرگەۋگە كومەكتەسۋگە دايىن ەكەنىن مالىمدەگەننەن كەيىن باستالعان.

ەستەرىڭىزگە سالا كەتەيىك، وزبەكستاندىق ازامات 31 قازاندا نيۋ-يوركتە جۇك كولىگىمەن جاياۋ ادامداردى قاعىپ ءوتىپ، شابۋىل جاساعان بولاتىن.

قازا بولعاندار اراسىندا 5 ارگەنتينالىق پەن 1 بەلگيالىق ازامات بار. قۇقىق قورعاۋ ورگاندارى بۇل شابۋىلدى تەرروريستىك شابۋىل دەپ تانىدى.