تۇركيا پرەزيدەنتى رەجەپ تايىپ ەردوعان العاشقى وتاندىق جەڭىل كولىكتى جاساۋدىڭ جوباسىن جۇزەگە اسىرۋ تۋراسىندا مالىمدەدى، دەپ جازادى Qamshy.kz اقپارات اگەنتتىگى. بۇل تۋرالى جەرگىلىكتى انادولۋ اگەنتتىگى حابارلادى.
ءاۆتوموبيلدى قۇراستىرۋ بىرلەستىگىنە Anadolu، BMC، Kıraça جانە Zorlu حولدينگتەرى، سونداي-اق Turkcell تەلەكوممۋنيكاسيالىق كومپانياسى كىرەدى.
جوبانى تانىستىرۋ راسىمىندە ءسوز سويلەگەن پرەزيدەنت 2016 جىلى تۇركيادا 757 مىڭ ءاۆتوموبيلدىڭ ساتىلعانىن ايتتى. «نارىعى ءدال وسىنداي الەۋەتكە يە مەملەكەتتىڭ وتاندىق ءاۆتوموبيلدى قۇرۋ جوباسىن جۇزەگە اسىرا الماۋى مۇمكىن ەمەس. بۇگىن ءبىز تاريحي قادامعا بەت الدىق»، - دەدى ەردوعان.
تۇرىك باسشىسىنىڭ ايتۋىنشا، وتاندىق ءاۆتوموبيلدى قۇراستىرۋدىڭ جوباسىن جۇزەگە اسىرۋدى جاقىن ۋاقىتتا باستاپ كەتۋ كەرەك. ونىڭ العاشقى نۇسقاسى 2019 جىلعا دەيىن دايىن بولۋى ءتيىس.
«2021 جىلى اۆتوموبيل سەريالى وندىرىسكە شىعادى. اتالمىش جوبا 2023 جىلعا دەيىن تۇركيانىڭ دامۋ ماقساتتارىنا ارنالعان باعدارلاماسىندا ەرەكشە ماڭىزعا يە. جانە بۇل ماسەلەنى كەيىنگە قالدىرۋعا بولمايدى»، - دەدى پرەزيدەنت.
