ساۋد ارابياسى بيلىگى جەمقورلىقپەن كۇرەس ماقساتىندا ارنايى كوميتەت قۇرىپ، كورول اۋلەتىنىڭ 11 حانزاداسى جانە 4 ءمينيستردى ۇستادى، دەپ جازادى Qamshy.kz اقپارات اگەنتتىگى.

ساۋد ارابياسىنىڭ كورولى ابدۋل-ازيز ءال ساۋد جەمقورلىقپەن كۇرەس جونىندە جانە ەلدەگى بيلىكتى اسىرا پايدالانۋشىلىقتى جويۋ ماقساتىندا جارلىق شىعارعان. بۇل تۋرالى كورولدىكتىڭ رەسمي جاڭالىقتار اگەنتتىگى Saudi Press Agency حابارلاعان.

ساۋديالىق مونارحتىڭ ايتۋىنشا، جوعارعى بيلىك وكىلدەرى اراسىنان ءوز مۇددەلەرىن اسىرا پايدالانىپ، زاڭسىز جولمەن ارەكەت ەتەتىندەر تابىلدى.

وسىعان وراي، كورولدىكتە قارجىلىق الاياقتىق پەن بيلىكتى اسىرا پايدالانۋشىلاردى ۇستاۋ ءۇشىن ءبىرقاتار ناۋقاندار وتكىزەدى.

Al Arabiya تەلەارناسىنىڭ حابارلاۋىنشا، جارلىققا سايكەس جاڭا كوميتەتتىڭ قىزمەتكەرلەرى ساۋد ارابياسى كورولدىك وتباسىنىڭ 11 مۇشەسى مەن ونعا جۋىق ءمينيستردى ۇستاعان.

Kingdom Holding ينۆەستيسيالىق كومپانياسىنىڭ يەسى، كورولدىڭ جيەنى، ميللياردەر ءال-ۆاليد تالال جەمقورلىقپەن ۇستالعانداردىڭ تىزىمىنەن كورىندى.