بۇگىن اقش پرەزيدەنتى دونالد ترامپ 26 ادام قازا تاپقان تەحاستاعى جاپپاي اتىس-شابىستىڭ امەريكالىقتاردىڭ ەركىن قارۋ-جاراق ۇستاۋ زاڭىنا ەمەس، پسيحيكالىق اۋىتقۋدىڭ سالدارىنان بولدى دەگەن ءۋاج ايتتى،- دەپ Qamshy.kz اقپارات اگەنتتىگى Reuters-كە سۇيەنە وتىرىپ جازادى.
توكيوداعى باسپا ءسوز ءماسليحاتىندا تىلشىلەر ترامپتان قاندى وقيعاعا جاۋاپ رەتىندە «امەريكانىڭ قارۋ تۋرالى زاڭناماسىنا قانداي دا ءبىر وزگەرىستەر ەندىرىلە مە؟» دەپ سۇراعان ەدى.
وعان جاۋاپتى پرەزيدەنت ترامپ بىلايشا قايىردى:
«ءبىزدىڭ ەلىمىزدە باسقا ەلدەردەگىدەي «پسيحيكالىق اۋىتقۋلارى» بار ادامدار وتە كوپ. ءبىراق بۇل قارۋ ماسەلەسى ەمەس، قۋانىشقا وراي، قىلمىسكەرگە قاراما قارسى بەتتە وعان وق اتقان ادام بولدى. بۇل «پسيحيكالىق اۋىتقۋدىڭ» ەڭ ءقاۋىپتى جاعدايى. مۇنداي وقيعانىڭ بولۋى وتە وكىنىشتى».
پىكىر قالدىرۋ