اتىراۋ وبلىسى يساتاي اۋدانىنىڭ جاڭاباي اۋىلى ماڭىندا كاسپيي تەڭىزىنىڭ جاعالاۋىنداعى رەيدتتىك تەكسەرۋ شارالارى كەزىندە ءىرى كولەمدەگى بەكىرە بالىقتارى تاركىلەندى،-دەپ Qamshy.kz اقپارات اگەنتتىگى حابار تەلەارناسىنا سىلتەمە بەرە وتىرىپ جازادى. 

بۇل باعالى بالىقتاردىڭ سالماعى شامامەن جارتى توننادان اسۋى مۇمكىن. ءقازىر ماماندار زاڭسىز اۋلانعان بالىقتاردىڭ سالماعىن ولشەپ، قانداي جولمەن اۋلانعاندىعىن انىقتاۋ ۇستىندە.

ازىرگە بەلگىلىسى، قايىقپەن بىرگە قولعا تۇسكەن 4 ادام ىشكى ىستەر ورگاندارىنا جەتكىزىلىپ، تەرگەۋ امالدارى جۇرگىزىلىپ جاتىر.

دانيار بايماعامبەتوۆ، ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ باسشىسى:

– تاڭعى ساعات سەگىزگە جۋىق سولتۇستىك كاسپيي جاعالاۋىنان 200 اتتىڭ كۇشى بار قوس موتور ورناتىلعان اسا قۋاتتى قايىقتى ۇستادىق. قايىقتاعى ءتورت ادامنىڭ بارلىعى دا جاعالاۋعا جاقىن ورنالاسقان جاڭاباي اۋىلىنىڭ تۇرعىندارى بولىپ شىقتى. قايىق ىشىنەن اۋلاۋعا مۇلدە تىيىم سالىنعان بەكىرە بالىقتارىن تاركىلەدىك. براكونەرلەردەن بارلىعى 304 دانا بەكىرە بالىعى شىقتى.