الماتى وبلىستىق ءىىد 8 جاستاعى تاكسي جۇرگىزەتىن بالا تۋرالى ۆيدەونى تەكسەرىپ جاتىر، دەپ Qamshy.kz اقپارات اگەنتتىگى قازاقپاراتقا سىلتەمە بەرىپ جازادى. اتالعان ۆيدەو ينستاگرامداعى kris_p_almaty پابليگىندە جاريالاندى.
بەينەكادردا دياس ەسىمدى بالا الماتى ماڭىنداعى اششىبۇلاق پەن بەرەكە اۋىلىنىڭ اراسىندا ادام تاسىمالداپ جۇرگەنى كورسەتىلگەن.
«مىنا بالا 7 جاستان باستاپ ماشينا ايدايدى. ءبىز اششىبۇلاقتان ۇيگە قاراي تاكسيگە وتىردىق»، - دەدى ۆيدەو اۆتورى.
وبلىستىق پوليسيا كامەلەتتىك جاسقا تولماعان بالانىڭ كولىك ايداعانىنا قاتىستى تۇسىنىكتەمە بەردى. «ءقازىر بۇل ۆيدەو تەكسەرىلىپ جاتىر. قايدا، قاشان تۇسىرىلگەن، ۆيدەوداعى بالانىڭ جاسى شىنىمەن 8-دە مە؟ وسى ماسەلەنىڭ ءبارى انىقتالعان سوڭ رەسمي تۇسىنىكتەمە بەرىلەدى»، - دەدى وبلىستىق ءىىد باسپا ءسوز قىزمەتىنىڭ وكىلى كوبەيحان نۇراحمەتوۆ.
پىكىر قالدىرۋ