الماتىلىق “قايرات” كلۋبىنىڭ كاپيتانى باۋىرجان يسلامحان ەل بىرىنشىلىگىندە قازاقستاندىق فۋتبولشىلار اراسىنداعى ەڭ ناتيجەلى ويىنشى اتاندى، دەپ جازادى Qamshy.kz اقپارات اگەنتتىگى Vesti.kz مالىمەتىنە سۇيەنىپ.

جارتىلاي قورعاۋشىنىڭ ەنشىسىندە 27 ويىننان كەيىن 11 گول (5 پەنالتي) بار. جالپى سۇرمەرگەندەر اراسىندا ول ءتورتىنشى ورىنعا جايعاستى.

ەڭ ناتيجەلى قازاق فۋتبولشىلارى اراسىندا ەكىنشى ورىندا "توبىلدىڭ" شابۋىلشىسى الەكسەي ششەتكين ورنالاستى. ونىڭ ەنشىسىندە 10 گول بار. ءۇشىنشى ورىنعا "ورداباسىنىڭ" شابۋىلشىسى تاڭات نوسەربايەۆ ورنالاسقان. ول بيىلعى ماۋسىمدا قانجىعاسىن جەتى رەت مايلادى. 

19 جاستاعى "تارازدىڭ" شابۋىلشىسى باقتيار زاينۋتجينوۆتىڭ ەنشىسىندە دە جەتى گول بار. جاس شابۋىلشىسى ءتورتىنشى ورىنعا تۇراقتادى. بەسىنشى ورىنعا "استانا" كلۋبىنىڭ جارتىلاي قورعاۋشىسى سەرىكجان مۋجيكوۆ جايعاستى. جارتىلاي قورعاۋشىنىڭ ەنشىسىندە التى گول بار. 

ايتا كەتەيىك، يسلامحان، ششەتكين جانە زاينۋتدينوۆ ەل بىرىنشىلىگىندە 27 ويىن وتكىزسە، نوسەربايەۆ 22، مۋجيكوۆ 29، مۋرتازايەۆ 32 كەزدەسۋگە قاتىستى. 

ەل بىرىنشىلىگىنىڭ ەڭ ۇزدىك سۇرمەرگەنى "قايراتتىڭ" شابۋىلشىسى جەرار گوۋ اتاندى. شابۋىلشى 32 ويىندا 24 گول سوقتى. ەكىنشى ورىنعا 31 ويىندا 19 گول سوققان "استانانىڭ" شابۋىلشىسى جۋنيور كابانانگا ورنالاسسا، ءۇشىنشى ورىنعا 30 ويىندا 13 گول سوققان پاتريك تۆۋماسي جايعاستى.