قازاقستاندىقتارعا جۇلدىز كاكەنوۆانىڭ وقيعاسى قاتتى اسەر ەتىپ، تاڭقالدىردى دەپ جازادى zakon.kz.

جۇلدىق كاكەنوۆا راك اۋرۋىنا شالدىققان. 2015 جىلى ول فەيسبۋك جەلىسىندە «ءومىر سۇرگىم كەلەدى» دەگەن پاراقشا اشىپ،  وندا ءوزىنىڭ جازىلۋىشىلارىمەن اۋرۋىمەن قالاي كۇرەسىپ جاتقانىن ءبولىسىپ وتىرعان.

«مەنىڭ ومىرىمدە قايعىلى جاعداي ورىن الدى. ماعان باۋىر وبىرى مەن وكپە مەتاستازاسىنىڭ 4-دەڭگەيى دياگنوزى قويىلدى.

ەگەر باسىنان باستايتىن بولسام... بۇگىن سۇيىكتى كۇيەۋىم ەكەۋمىزدىڭ  ۇيلەنگەنىمىزگە 4 جىل بولدى. ءىنجۋ ەسىمدى قىزىمىز بار. كەلەسى اپتادا 3-كە تولادى. ول ەكى ايلىق كەزىندە ينسۋلت الىپ، ءقازىر جارتى جىل سايىن قايتا قالپىنا كەلتىرۋ ورتالىعىنا  بارىپ قارالامىز، ەمدەلەمىز. وسىلاي مەدتەكسەرۋدەن ءوتىپ جۇرگەندە، 2015 جىلى فليۋوروگرافياعا ءتۇستىم. سول كۇنى ماعان ەمحانادان حابارلاسىپ، قايتا كەلۋىمدى سۇرادى. وكپەمدە قارا داقتاردىڭ پايدا بولعانىن ايتتى. وسىدان كەيىن بىتپەيتىن توموگرافيالار مەن ۋدز، اناليزدەر تاپسىرۋ باستالدى. استاناداعى بارلىق اۋرۋحانالارعا بارىپ شىقتىم. ونكولوگيا ورتالىعىنا دا باردىم. الايدا، وندا مەندە ەشقانداي راك جوق ەكەنىن ايتتى. ولار حيرۋرگقا جىبەردى، ال ولار بولسا، ءارتۇرلى دياگنوز قويدى»-دەيدى جۇلدىز.

ونىڭ ايتۋىنشا، ول قىتايدىڭ ءۇرىمشى قالاسىنا بارۋعا شەشىم قابىلداعان. كوپتەگەن تەكسەرۋلەردەن كەيىن، وعان وكپە مەن باۋىر وبىرى دەگەن دياگنوز قويعان. ونداعى حيميوتەراپيا ەمى قىمبات بولعاندىقتان جۇلدىز قايتا قازاقستانعا كەلگەن.

«استاناعا قايتىپ كەلىپ، قىتايداعى قاعازداردى كورسەتكەنىمدە، وندا ماعان سەندە راك جوق دەپ ايتتى. الايدا، ولاي بولسا مەنىڭ كەۋدەمدە، باۋىرىمدا نە بار دەگەن سۇراق تۋىندادى. الماتىعا كەلىپ سىزعانوۆ اتىنداعى حيرۋرگيا عىلىمي ورتالىعىنا باردىم. ول جەردە ماعان بيوپسيا جاسادى. جۇڭگو دارىگەرلەرى قاتەلەسپەگەن ەكەن. مەنىڭ دياگنوزىم دۇرىس بولىپ شىقتى..»-دەيدى جۇلدىز.

«قىمباتتى دوستار! مەنىڭ ءومىر سۇرگىم كەلەدى. مەن سۇيىكتى ادامىم مەن قىزىمدى قالدىرىپ كەتە المايمىن! بالا سۇيگىم كەلەدى! سىزدەرمەن بىرگە بولعىم كەلەدى!»-دەپ جازادى ول.

جۇلدىزعا جاپونيادان كومەك ۇسىنىلدى. الايدا ونداعى ءبىر ەم كۋرسىنىڭ 15 مىڭ دوللار تۇرۋىنا  بايلانىستى قارجىلاي كومەك قاراستىرىلعان بولاتىن. الايدا، ناقتى قاجەتتى سوما سول كۇيى جينالماعان.

30 قازان كۇنى جۇلدى كاكەنوۆا كوز جۇمدى. بۇل تۋرالى ونىڭ پاراقشاسىنىڭ ادمينيستراتورى حابارلاعان.