ق ر ءدىن ىستەرى جانە ازاماتتىق قوعام ۆيسە-مينيسترى ابزال نۇكەنوۆ مىسىردىڭ شارم اش-شەيح قالاسىندا ءوتىپ جاتقان بۇكىلالەمدىك جاستار فورۋمىنا قاتىستى، دەپ حابارلايدى Qamshy.kz اقپارات اگەنتتىگى ق ر ءسىم باسپا ءسوز قىزمەتىنە سىلتەمە جاساپ. وندا، ەلباسىنىڭ ەلباسىنىڭ جولداۋى - ەل بولاشاعىنىڭ باعىت-باعدارى مەن بيىلعى ەكىنشى جولداۋى سياقتى ماڭىزعا يە بولعان مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسى ءتۇسىندىرىلدى.
مىسىر پرەزيدەنتى ابدەل-فاتتاح ءاس-سيسيدىڭ باستاماسى جانە قامقورلىعىمەن ۇيىمداستىرىلعان ءىس-شاراعا الەمنىڭ 125 مەملەكەتىنەن 70-تەن استام رەسمي دەلەگاسيالار مەن جاستار قوزعالىستارىنىڭ وكىلدەرى قاتىستى. فورۋمنىڭ قۇرمەتتى قوناعى رەتىندە پالەستينا، ماۋريتانيا، گابون، چاد پرەزيدەنتتەرى، شاردجا امىرلىگىنىڭ بيلەۋشىسى جانە مەككەنىڭ گۋبەرناتورى سانالدى.
فورۋمنىڭ اشىلۋ سالتاناتىندا ءسوز سويلەگەن پرەزيدەنت ا. ءاس-سيسي بۇكىلالەمدىك جاستار فورۋمى الەمنىڭ تۇكپىر-تۇكپىرىنەن جينالعان جاستار ءۇشىن قازىرگى الەمنىڭ وزەكتى ماسەلەلەرىن، ءبىلىم، عىلىم جانە تەحنولوگيا سالالارىندا جاستارعا قاتىستى باعدارلامالاردى ىسكە اسىرۋ پەرسپەكتيۆالارىن، كەدەرگىلەرى مەن قاتەرلەرىن تالقىلاۋعا، سونداي-اق ءتۇرلى مەملەكەتتەردىڭ جاستار ساياساتى بويىنشا ءساتتى تاجىريبەلەردى ۇسىنۋعا كەرەمەت مۇمكىندىك بەرەتىنىن اتاپ ءوتتى.
ا. نۇكەنوۆ مىسىر پرەزيدەنتىنىڭ قاتىسۋىمەن وتكەن «مادەنيەتتەر مەن وركەنيەتتەر اراسىنداعى ايىرماشىلىق» اتتى ءبىرىنشى پانەلدىك سەسسيادا قاتىسۋشىلاردى قازاقستان پرەزيدەنتى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ نەگىزگى تەزيستەرىمەن تانىستىردى. ەلباسى باستامالارىنىڭ مازمۇنى تىڭداۋشىلاردىڭ ەداۋىر قىزىعۋشىلىعىن تۋدىردى.
فورۋم اياسىندا قازاقستان دەلەگاسياسى باسشىسى مىسىر پرەزيدەنتىمەن، سىرتقى ىستەر، جاستار جانە سپورت، تۋريزم مينيسترلەرىمەن كەزدەستى. تاراپتار ەكى ەل اراسىنداعى ەكىجاقتى ىنتىماقتاستىقتى كەڭەيتۋ جولدارىن، اتاپ ايتقاندا جاستار سالاسىندا ىقپالداستىقتى نىعايتۋ ماسەلەلەرىن تالقىلادى. ا. نۇكەنوۆ فورۋمنىڭ ۇيىمداستىرۋشىلارىنا العىسىن ءبىلدىرىپ، ءوتىپ جاتقان فورۋمنىڭ ماڭىزدىلىعىن اتاپ ءوتتى. ءىس-شاراعا قازاقستان جاستارىنىڭ وكىلدەرى دە قاتىسىپ، ونىڭ جۇمىسىنا بەلسەندى تۇردە اتسالىسۋدا.
