بۇگىن استانادا ق ر پرەمەر-مينيسترى باقىتجان ساعىنتايەۆ كومپانيانىڭ اتقارۋشى ديرەكتورى بەن ۆان بەردەن باسشىلىعىمەن «رويال داچ شەلل» وكىلدەرىمەن كەزدەسۋ وتكىزدى، دەپ حابارلايدى Qamshy.kz اقپارات اگەنتتىگى ق ر پرەمەر-مينيسترىنىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا ىنتىماقتاستىق ماسەلەلەرى مەن «شەلل» كومپانياسىمەن قازاقستاننىڭ مۇناي-گاز سالاسىندا بىرلەسكەن جوبالاردى ىسكە اسىرۋ ماسەلەلەرى تالقىلاندى.

«شەلل» نيدەرلاندى-بريتان ەنەرگەتيكالىق كونسەرنى 1997 جىلعى 18 قاراشادا قول قويىلعان، سولتۇستىك كاسپيي بويىنشا ونىمدەردى ءبولۋ تۋرالى كەلىسىم (سك وبك) قاتىسۋشىلارىنىڭ ءبىرى.

سك وبك بويىنشا كەلىسىمشارتتىق اۋماقتا مىنا كەن ورىندارى ورنالاسقان: قاشاعان، قالامقاس–تەڭىز، اقتوتى، قايران جانە وڭتۇستىك-باتىس قاشاعان.