بۇۇ-نىڭ سەۋلدەگى قولباسشىلىعى سولتۇستىك كورەيالىق اسكەري قىزمەتكەردىڭ وڭتۇستىك كورەياعا قاشقان ءساتى تۇسىرىلگەن ۆيدەونى جاريالادى دەپ حابارلايدى Qamshy.kz اقپارات اگەنتتىگى. ەر ادام 13ء-شى قاراشادا قاشقان.
7 مينۋتقا سوزىلعان ۆيدەودا كحدر ازاماتى باستاپقى كەزدە كولىكپەن قاشادى، كولىك جولدىڭ جاعاسىنا شىعىپ كەتكەندە كولىكتەن شىعىپ قاشادى. سول ۋاقىتتا شەكاراشىلار ونى قۋىپ، اتا باستايدى. كحدر ازاماتىنا 6 وق تيگەن. ەر ادام ءتىرى قالدى. ءقازىر سەۋل اۋرۋحاناسىندا جاتىر.
دارىگەرلەردىڭ ايتۋىنشا، ونىڭ جاسى 24-تە. ول كوپ قان جوعالتتى، ءبىراق ومىرىنە ءقاۋىپ ءتونىپ تۇرعان جوق.
ايتا كەتەيىك، كحدر ازاماتتارى كوبىنە جۇڭگو شەكاراسى ارقىلى قاشادى. سەبەبى وڭتۇستىك كورەيامەن شەكارا وتە جاقسى قورعالادى.
