استانادا پارلامەنت ءماجىلىسىنىڭ سپيكەرى نۇرلان ءنىعماتۋليننىڭ توراعالىعىمەن «قازاقستان رەسپۋبليكاسىنىڭ ەلدى مەكەندەرىن ساپالى اۋىز سۋمەن قامتاماسىز ەتۋدىڭ وزەكتى ماسەلەلەرى» تاقىرىبىندا پارلامەنتتىك تىڭداۋ وتۋدەدەپ حابارلايدى Qamshy.kz اقپارات اگەنتتىگى.
ەلباسى نۇرسۇلتان نازاربايەۆتىڭ ساياساتىنىڭ جانە ستراتەگيالىق ماقساتتارىنىڭ ارقاسىندا قازاقستاننىڭ جوعارى تابىستارعا جەتكەنىن، بارلىق سالادا كوپتەگەن ماڭىزدى جوبالار جۇزەگە اسىرىلعانىن ءسوز ەتە كەلىپ، ن. نىعماتۋلين اۋىز سۋ ماسەلەسىنە ايرىقشا نازار اۋداردى.
«سۋ بار جەردە بەرەكە دە بار» دەي كەلىپ، ءماجىلىس ءتوراعاسى ءبىزدىڭ ەلىمىزدە اۋىز سۋ مەملەكەتتىك دەڭگەيدەگى نەگىزگى سۇراقتاردىڭ ءبىرى ەكەنىنە توقتالدى.
وسى سالادا «تازا اۋىز سۋ»، «اق بۇلاق» سياقتى ءبىرقاتار جوبالار جۇزەگە اسىرىلدى. بۇل جۇمىستار قازىرگى ۋاقىتتا «وڭىرلەردى دامىتۋدىڭ 2020-شى جىلعا دەيىنگى باعدارلاماسى» جانە «نۇرلى جول» ارقىلى جالعاسىن تاۋىپ وتىر.
ونى زاڭدىق تۇرعىدان قولداۋ ءۇشىن ماجىلىستە دە كوپتەگەن شارالار اتقارىلىپ كەلەدى. دەپۋتاتتار ءتيىستى مەملەكەتتىك ورگاندارعا ۇسىنىستار جاساپ، بيۋدجەتتەن قوسىمشا قاراجاتتار بولۋگە دە ەرەكشە ىقپال ەتكەن.
سوندىقتان،
- اۋىزسۋ ماسەلەسىن شەشۋگە مەملەكەتتەن جىل سايىن كەرەك قارجى ءبولىنىپ وتىر. ەندىگى ماسەلە ونى ءتيىمدى پايدالانۋ. ال، ول ءۇشىن بارلىق جۇمىستاردى دۇرىس ۇيىمداستىرىپ، سۋدى پايدالانۋدىڭ جاڭا تەحنولوگيالارىن ەنگىزۋ قاجەت. وسىعان وراي جەر استى سۋلارىن پايدالانۋعا قاتىستى ناقتى جوسپار جاساپ، اۋىلداردا جاڭا سۋ قۇرىلىستارىن قولعا الۋ كەرەك. وسىنىڭ بارلىعى اۋىزسۋ ماسەلەسىن تولىقتاي شەشۋگە مۇمكىندىك بەرەدى،-دەدى ءماجىلىس ءتوراعاسى.
سونىمەن بىرگە، ن. ءنىعماتۋليننىڭ پىكىرىنشە، حالىق اراسىندا سۋدى ۇنەمدەپ پايدالانۋ تۋرالى اقپارات جۇمىستارىن جۇرگىزۋدىڭ دە ماڭىزدىلىعى زور.
ودان ءارى ءماجىلىس ءتوراعاسى ەلدى مەكەندەردى اۋىزسۋمەن قامتاماسىز ەتۋدە ورىن الىپ وتىرعان ولقىلىقتارعا توقتالدى. ول، سۋ قۇرىلعىلارى نىساندارىن ورناتۋدا بىرىزدىلىكتىڭ، سونىمەن بىرگە، ەلدى مەكەندەردە سۋ ينفراقۇرىلىمدارىن تارتۋدا ءبىرىڭعاي وپەراتوردىڭ جوقتىعى.
