قان شىقپايدى تىلسەڭدە بەتتەرىنەن
بيلىكتە سايقىلدى دا كوپ كورىپ ەم
سۋ باعاسىن اياق استى قىمباتتاتقان
باسشىلاردىڭ بارلىعىن جەك كورىپ ەم
ايەلدەردىڭ پەنسياسىن ۇزارتام دەپ
ارمانداپ ۇشىپ ءجۇر كوپتە كىلەم
پوتامۋچتا كوك قاعاز جاساماقشى
جازىقسىز انالاردىڭ كوك تەرىنەن
تۇسىنىكسىز زاڭداردى شىعارىپ اپ
حالىق قا تۇسىندىرگىش شەتتەرىنەن
ال كەز كەلدى تۇگەلىن سارالاۋعا
وسى جەردە قۋات بەر ماعان اللا
مەن ءبىراز سۇراق قويىپ كورەيىنشى
سول ءبارىن تۇسىندىرگىش اعالارعا
قازاققا قۇرىپ جاتىر قاقپاندى كىم
جاقسىدان ءزابىر كورەم جاتتان بۇرىن
تۇسىندىرگىش اعالار ءتۇسىندىرسىن
ايتىستىڭ نەگە جولىن جاپقاندىعىن
حالىقتىڭ قۇداي بەرگەن قازىناسىن
بىزدەرمەن اقىلداسپاي ساتقاندىعىن
ءتۇسىندىرسىن جەلتوقساندا جاڭا وزەندە
حالىققا نەگە وعىن اتقاندىعىن
ءتۇسىندىرسىن ءبىزدىڭ مۇنشا باي مەملەكەت
قارىزعا قالايىنشا باتقاندىعىن
ءتۇسىندىرسىن حرابۋنوۆ ءابىلازوۆ
نەگە ۇستاماي جاتقاندىعىن
ەگەردە اسىل تاستان اقىل جاستان
قۇرايىن شىندىق پەنەن اقىن داستان
ءتۇسىندىرسىن وسىلاردى ءتۇسىندىرسىن
حالىقتىڭ بوسقا باسىن قاتىرماستان
ءتۇسىندىرسىن كىمنىڭ قايدا باراتىنىن
كىم باستادى ءومىردىڭ جاڭا ءتۇرىن
نەگە بىرەۋ بيزنەس اشسا پرەزيدەنتتىڭ
جاقىندارى ونى تارتىپ الاتىنىن
ءتۇسىندىرسىن كىمنىڭ قالاي ويلايتىنىن
ءتۇسىندىرسىن نەگە ولاردىڭ تويمايتىنىن
وزدەرىنە كەرەك بولسا اتا-زاڭدى
ارى-بەرى وزگەرتىپ وينايتىنىن
وسىلاي اقيقاتتى لايىق قىلسىن
ىستەگەن كۇنالارىن ءشايىپ تۇرسىن
تۇسىندىرە الماسا قازىردەن اق
وتىرعان ورنىنان تايىپ تۇرسىن.
رينات زايىتوۆ
