الەۋمەتتىك جەلىلەردە ۆلاديسلاۆ چەلاحتىڭ قورعاۋشىسى جاساعان مالىمدەمە كەزىپ ءجۇر. بۇل اقپارات بويىنشا، چەلاحقا قاتىستى بۇۇ-نىڭ ادام قۇقىقتارى جونىندەگى كوميتەتى قاتارداعى جاۋىنگەر ءىسى ادىلەتتى شەشىمىن تاپپاعانى جانە قۇقىعى تاپتالعاندىعى جونىندەگى شاعىمعا شەشىم شىعارعان. Caravan.kz پورتالىنىڭ ءتىلشىسى اتالمىش اقپاراتتىڭ راستىعىنا كوز جەتكىزۋ ماقساتىمەن چەلاحتىڭ قورعاۋشىسى سەرىك سارسەنوۆكە حابارلاسقان، دەپ جازادى Qamshy.kz اقپارات اگەنتتىگى.

جەلىدە تارالعان اقپاراتتارعا سەنۋگە بولادى ما؟

- جوق، دەگەنمەن، 7 قاراشادا مەنىڭ شاعىمىم قارالىپ، نەگىزدى دەپ تانىلعانى بەلگىلى بولدى. ول مەنىڭ ق ر زاڭناماسىنداعى 14 باپتىڭ بۇزىلىپ، قازاقستان مەن حالىقارالىق ازاماتتىق جانە ساياسي قۇقىقتارىنىڭ اياق استى بولىپ، ۆلاديسلاۆ چەلاح ءىسىنىڭ ادىلەتتى سوت شەشىمىن تاپپاعاندىعى تۋرالى بۇۇ-ڭ ادام قۇقىقتارى جونىندەگى كوميتەتكە شاعىم جاساۋىم نەگىزىندە ەدى.

نەگىزگى شەشىم ورىس تىلىنە اۋدارىلىپ، تەز ارادا بىزگە جەتكىزىلەتىن بولادى.

ياعني، اتالمىش شەشىم ازىرشە ەشنارسەگە اسەر ەتپەيدى عوي؟

- يا. قازاقستان بۇۇ جاساعان شەشىمدى الدىمەن قابىلداپ الۋى كەرەك، ودان كەيىن، ەگەردە ءبىز دامىعان، كوزى اشىق مەملەكەت بولساق، كەرەكتى شارالار جاسالۋى قاجەت.

ءبىراق قازىرگى جاعدايدا قانداي دا ءبىر مالىمدەمەلەر جاساۋعا ءالى ەرتە، ءبىراق مەنىڭ شاعىمىم قاراستىرىلعانى انىق. ويتكەنى كوميتەت مەنىڭ بولجامدارىمدى، سەنىمدى ءارى تالاسسىز دەپ تاپقان بولۋ كەرەك. تۇسىنىكتىرەك بولۋ ءۇشىن، بۇۇ مەنىڭ شاعىمىمدى قابىلداعاندا قازاقستانعا بۇل جونىندە حاباردار بولعان بولاتىن.

ء-سىز بەرگەن شاعىمنىڭ مازمۇنى مەن ونداعى پىكىرىڭىز تۋرالى قىسقاشا ايتا كەتسەڭىز:

- وندا مەن ۆلاديسلاۆ چەلاح ءىسىن قاراستىرعاندا قازاقستاننىڭ بارلىق دەڭگەيدەگى سوتىندا كەتكەن قاتەلىكتەردى ساناپ كورسەتكەن بولاتىنمىن. مەن «ولار قاتەلىك جىبەردى» زاڭعا سۇيەنە وتىرىپ سەنىمدى تۇردە ايتا الامىن. بۇۇ كوميتەتى ادام قۇقىقتارى ماسەلەسىنە كەلگەندە بىزدەن باسقاشا جۇمىس ىستەيتىن بولىپ تۇر. ويتكەنى ولار باسشىلاردىڭ ايتقانىمەن جۇرمەيدى. ول جاقتا قۇقىق نەگىزىندە عانا ىستەر اتقارىلادى. ال زاڭ تاراپىنان مەن 200%-عا دۇرىس ايتىپ تۇرعانىما كەپىلدىك بەرە الامىن.

ەسكە سالا كەتەيىك، 2012 جىلدىڭ 28ء-شى مامىرىندا قازاقستاننىڭ «ارقانكەرگەن» شەكارالىق بەكەتىندە 15 ادامنىڭ ءومىرىن قيعان قاندى وقيعا بولدى. وتە جۇمباق جاعدايدا 14 شەكارا قىزمەتكەرى مەن اڭشى جان تاپسىرعان بولاتىن.

ۆلاديسلاۆ چەلاحقا ق ر قىلمىستىق كودەكسىنىڭ 8ء-شى بابىنا سايكەس، «ەكى نە ودان دا كوپ ادامدى ولتىرگەنى ءۇشىن»، «جەكە زاتتاردى ۇرلاعانى ءۇشىن»، «قۇپيا قۇجاتتاردى ۇرلاعانى ءۇشىن»، «قارۋ-جاراقتى ۇرلاعانى ءۇشىن»، «قارۋدى زاڭسىز ۇستاعانى ءۇشىن»، «اسكەر مۇلكىنە زيان كەلتىرگەنى ءۇشىن»، «قوقان-لوققى جاساعانى ءۇشىن» جانە «وزگەنىڭ تۇراعىنا زاڭسىز باسا-كوكتەپ كىرگەنى ءۇشىن» ايىپتار تاعىلعان بولاتىن.

2012 جىلدىڭ 11 جەلتوقسانىندا سوت ۆلاديسلاۆ چەلاحتى جوعارىدا تىزبەكتەلگەن قىلمىستار ءۇشىن كىنالى دەپ تانىپ، ءومىر بويىنا باس بوستاندىعىنان ايىرۋ تۋرالى شەشىم شىعارعان بولاتىن.