وكىندىرىپ وتەدى ءومىر جالعان،
جالعان، جالعان، جالعاننان كوڭىل قالعان.
جەتەمىن دەپ جۇرگەندە جەلدەي ەسىپ،
قالادى ەكەن قول بۇلعاپ سوڭىڭدا ارمان.
ارمان، ارمان، اڭساتقان قايران ارمان،
جەردە بولعان... اداسىپ ايعا قونعان.
جاڭىلدىرماي جولىڭنان قويماس، ءسىرا،
قۋ دۇنيە كوزىڭدى بايلاپ العان.
جالىن اتقان جاستىق شاق، قۋانىش-باق،
كەتەدى ەكەن كەلمەسكە تىم الىستاپ.
اشىق كۇندە اداسىپ كەتۋ وڭاي،
الساڭ داعى قولىڭا شىراق ۇستاپ.
قالماۋ ءۇشىن ءومىرىڭ ۇقساپ كۇزگە،
قاناعات قىل... قالعىما، ۇشپاقتى ىزدە.
تۇرلاۋى جوق بايانسىز بەس كۇندىكتىڭ،
تۇرا الماسپىز تۇتقاسىن ۇستاپ ءبىز دە.
قالقامان سارين
