ماسكەۋ سوتى 5 جەلتوقساندا قازان پوليسياسىنىڭ بۇرىنعى باسشىسى رۋسلان حاليمداروۆتى 10،5 جىلعا سوتتادى دەپ حابارلايدى Qamshy.kz اقپارات اگەنتتىگى ازاتىققا سىلتەمە جاساپ. ونى ەسىرتكى كونترابانداسى دەگەن جەلەۋمەن ادام ۇرلادى دەپ ايىپتادى. حاليمداروۆتىڭ قاراماعىنداعى ءۇش ادام 8 جىلدان 9 جىلعا دەيىن باس بوستاندىقتارىنان ايىرىلدى.

تەرگەۋ كوميتەتىنىڭ باسشىسى الەكساندر باسترىكيننىڭ بۇيرىعىمەن ءىستى قاراۋدى تاتارستاننان ماسكەۋگە بەرگەن. ول قازان سوتىنىڭ ادىلەتتى بولاتىنىنا كۇدىكتەنگەن.

تەرگەۋ ءىسىنىڭ مالىمەتى بويىنشا، حاليمداروۆ قاراماعىنداعىلارمەن بىرگە 2005 جىلى قازاقستان تۇرعىنىن ۇرلاپ اكەتىپ، وعان ەسىرتكى ساۋداسىمەن اينالىستى دەپ جالعان ايىپ تاعىپ، 13 جىلعا سوتتاپ جىبەرگەن.

پوليسيا قىزمەتكەرلەرى تەك 2013 جىلى عانا ۇستالعان. الدىمەن ونى قىزمەتىن اسىرا پايدالاندى دەپ ايىپتادى. تەك ءىس تەرگەۋ كوميتەتىنىڭ ورتالىق اپپاراتىنا بەرىلگەننەن كەيىن عانا، ادام ۇرلاۋ فاكتىسى بويىنشا ءىس قوزعالعان.