وزگەگە جاساعان جاقسىلىعىڭ وزىڭە مىندەتتى تۇردە قايتادى. ەرتە مە، كەش پە، ماڭىزدى ەمەس، الايدا جاقسىلىقتىڭ قايتارىمى مول ەكەنىنە تاعى ءبىر كوزىمىز جەتتى. امەريكادا بولعان وقيعا كوپشىلىكتىڭ كوكەيىنە وي سالار.

امەريكالىق فيلادەلفيا شتاتىندا كوشە كەزىپ، قايىر تىلەپ جۇرگەن دجونني بوببيت الەمدەگى ەڭ باي قايىرشى اتاعىنا يە بولدى. New York Post باسىلىمىنىڭ مالىمەتىنشە، الەۋمەتتىك جەلى قولدانۋشىلارىنىڭ كومەگىمەن جينالعان 400 مىڭ دوللارعا جۋىق قارجىعا دجونني ءۇي الدى. ەندىگى كەزەكتە ءوزى تالاي جىلدان بەرى ارمانداعان Ford Ranger كولىگىن ساتىپ الماقشى.

قوماقتى سومانى قايىرشىعا ەشقانداي قاتىسى جوق امەريكالىق تۇرعىن كەيت ماككليۋر جيناعان. وقيعا قىزدىڭ دجوننيمەن قالاي تانىسقانى تۋرالى الەۋمەتتىك جەلىدەگى پاراقشاسىنا جازعان پوستىنان كەيىن باستالعان.

قاراشانىڭ سوڭىندا كەيت كولىگىمەن سەرۋەندەپ جۇرگەن ۋاقىتتا جانارمايى تاۋسىلىپ، جول ورتاسىندا قالىپ قويادى. سوندا كەيتكە كومەكتەسكەن جالعىز ادام كوشە كەزىپ جۇرگەن قايىرشى ەدى. سول قايىرشى بۇگىندە جەكە ءۇيى مەن قوماقتى قارجىسى بار دجونني بولدى. ءوزىنىڭ جەيتىن تاماعىن ارەڭ تاۋىپ جۇرگەن ءۇيسىز ادام سوڭعى اقشاسىنا جانارماي الىپ، كەيتكە بەرگەن. قاتتى تولقىعان قىز اقشانى مىندەتتى تۇردە قايتارۋعا ۋادە بەرەدى. جانە وسى وقيعا جايىندا ءوز پاراقشاسىنا جازادى. ناتيجەسىندە جەلى قولدانۋشىلارى ەر ادامدى قولداپ، كومەكتەسۋگە دايىن ەكەندەرىن جەتكىزگەن.

ءبوببيتتىڭ ەندىگى جوسپارى – قۇجاتتارىن تۇگەندەپ، جۇمىسقا ورنالاسۋ. سونداي-اق ءوزى سەكىلدى كومەككە مۇقتاج جاندارعا قول ۇشىن سوزۋدى قالايدى.