پاتريوتتىق اندەرىمەن حالىقتىڭ جۇرەگىنەن ورىن العان ءانشى يبراگيم ەسكەندىر ەندى بىلعارى قولعاپتى باسەكەدە ب ا ق سىنايدى، دەپ جازادى Qamshy.kz اقپارات اگەنتتىگى.
كاسىپقوي سپورتتا ب ا ق سىناۋعا بۇگىن جولعا شىققان يبراگيم ەسكەندىر qamshy.kz-كە ەكسكليۋزيۆتى پىكىرىن ءبىلدىردى:
«بوكسپەن 2001-2007 ارالىعىندا كسرو چەمپيونى، سوۆەتتىك مەكتەپتى مىقتى مەڭگەرگەن امانجول باقايەۆ دەگەن اعانىڭ قولىندا جاتتىققانمىن. سول كىسىنىڭ شاكىرتىمىن، قولىندا جاتتىعىپ ءجۇرىپ سپورت شەبەرىنەن ۇمىتكەر بولدىم. 2007 جىلى قولىمنان جاراقات الىپ قالدىم، ءارى اتا-انام قارسى بولعان سوڭ بوكستان الىستاۋ كەتىپ، ارى قاراي ءبىلىم قۋىپ، ونەر جارىستىرىپ كەتتىك.
ونەردە تۋىمىزدى جەلبىرەتتىك، ەندى سپورتتا تۋىمىزدى جەلبىرەتسەك دەگەن ىشتە ءبىر ارمان قالعان ەدى. اللا بۇيرسا 9 جەلتوقسان كۇنى ماسكەۋدە كاسىبي سپورت كەشى بولادى. وندا مەن كاسىپقوي بوكستاعى العاشقى جەكپە-جەگىمدى وتكىزبەكپىن. دەبيۋتتى جارىسىمدا قارسىلاسىم MMA-دان الەم چەمپيونى شەرعاز شاقتانوۆ دەگەن قىرعىز بوكسشىسى. جاقىندا بوكسقا اۋىسقان ونىڭ دا ءبىرىنشى جەپە-جەگى. سول جەرە ەلىمىزدىڭ نامىسىن قورعايتىن بولامىز. ءبىز قازاق بالالارى باتىر ەلدىڭ ۇرپاعىمىز عوي، بىزدە نامىس بار، رۋح بار. ءبىر سوزبەن ايتقاندا 1،5 ميلليارد قىتايدان شىقپاعان الەم چەمپيوندارى قازاقتان شىقتى. ۇلگى تۇتار اعالارىمىزدىڭ، باۋىرلارىمىزدىڭ جولىمەن قازاقتىڭ تۋىن شارشى الاڭدا جەلبىرەتسەم دەگەن ءۇمىتىم بار. سول نيەتپەن جولعا شىعىپ وتىرمىز.
مەنىڭ بوكستان كورىنۋىم ونەردەن كەتتى دەگەن ءسوز ەمەس، ساياسي قىزمەتىمنەن كەتتى دەگەن ءسوز ەمەس، ەۋرازيا ۇلتتىق ۋنيۆەرسيتەتىندە ءقازىر دوكتارانتۋرادا وقىپ ءجۇرمىن، عىلىمنان كەتتى دەگەن ءسوز ەمەس. قازاقتىڭ بالالارى جان-جاقتى بولۋى كەرەك. ءبارىمىزدىڭ يلەيتىن پۇشپاعىمىز بىرەۋ، قازاقتىڭ بالالارى ۇلتىنىڭ نامىسىن قاي جەردە بولسا دا قورعاۋى كەرەك، - دەيدى ءوزى ايتقانداي ساياساتپەن دە اينالىسىپ جۇرگەن تانىمال ءانشى.
