استاناداعى ۇلتتىق عىلىمي كارديوxيرۋرگيا ورتالىعىندا 60 جاستاعى ەر ادامعا جاساندى جۇرەك يمپلانتانسياسى جاسالدى،  دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. 

"بۇعان دەيىن ونىڭ سوزىلمالى جۇرەك اۋرۋى بولعان. ونىڭ ءومىرىن تەك جاساندى جۇرەك يمپلانتاسياسى عانا قۇتقاراتىن ەدى. دونور دا تابىلمادى. سول سەبەپتى ءبىز جاساندى جۇرەك وتاسىن جاساعاندى ءجون كوردىك. ءقازىر پاسيەنتتىڭ جاعدايى جاقسى. ەمxانادان شىعۋعا دايىندالىپ جاتىر. وتا جاسالعالى بەرى ءبىر جارىم اي ءوتتى. ءبارى ويداعىداي. ەشقانداي اقاۋلىقتار بايقالمايدى"، - دەدى ۇلتتىق كارديوxيرۋرگيا ورتالىعىنىڭ باسشىسى يۋريي پيا استانادا وتكەن باسپا ءسوز ءماسليxاتىندا. الداعى ۋاقىتتا وسى ىسپەتتى تاعى ءتورت وتانى جاساۋ جوسپارلانىپ وتىر.

ونىڭ ايتۋىنشا، جاساندى جۇرەك - "Carmat SA" اتتى فرانسۋز كومپانياسىنىڭ ءونىمى. كومپانيا ماماندارى اتالعان قۇرىلعىنى ەۋروپانىڭ اەروعارىش جانە قورعانىس كونسەرنىمەن بىرلەسىپ شىعاردى. 2013 جىلى "Carmat" ماركالى جاساندى جۇرەك العاش رەت سىناقتان ءوتتى. ونى 76 جاستاعى قارياعا سالىپ بەرگەن. تۋرا 74 كۇننەن كەيىن ول قايتىس بولدى. ال كەيىنگى پاسيەنتتەر جاساندى جۇرەكپەن 8-9 اي ءجۇردى. سول كەزدە كومپانيا جاڭا اپپاراتتىڭ ءبىر اقاۋلىعىن انىقتادى. جاساندى جۇرەكتى ۇزاق پايدالانعاننان كەيىن قان موتورعا كەتىپ وتىرعان. ارتىنان ول اقاۋلىق جوندەلدى.

ايتا كەتەيىك، جۇرەك جۇمىسىن ۇستاپ تۇرۋعا ارنالعان قۇرىلعىلاردىڭ باستى ماقساتى - پاسيەنتتىڭ ءومىرىن ۇزارتۋ، دونور تابىلعانشا اداپ ءومىرىن ساقتاۋ. ال "Carmat" ىسپەتتى اپپاراتتار بۇرىنعى جۇرەكتى تولىعىمەن الماستىرۋعا ارنالعان. ونىڭ قازىرگى باعاسى - 1 ملن ەۋرو.

«مەملەكەت تە، ورتالىق تا وعان اقشا جۇمساپ جاتقان جوق. فرانسۋز كومپانياسى ءوز اپپاراتىن سىناقتان وتكىزىپ جاتىر. سول سەبەپتى ءبارىن تەگىن بەردى. ءبارى ءساتتى بولسا، جاساندى جۇرەك اپپاراتتارى كوپتەپ شىعارىلادى. ول كەزدە باعاسى دا تومەن بولادى"، - دەيدى ق ر دەنساۋلىق ساقتاۋ ۆيسە-مينيسترى لياززات اقتايەۆا. ورتالىق باسشىلىعى جاساندى جۇرەك يەسى - قۇنانباي ابىرايەۆپەن دە كەزدەسۋگە رۇقسات بەردى.

ورتالىق باسشىلىعى جاساندى جۇرەك يەسى - قۇنانباي ابىرايەۆپەن دە كەزدەسۋگە رۇقسات بەردى. اعامىز قۋانىشىن جاسىرا الماي، كوز جاسىنا دا ەرىك بەردى. "مەن قاتتى اۋىردىم. مىنا جاققا كەلگەندە جۇرە المادىم، ارباعا وتىرعىزىپ اكەلدى. سول ەندى...ءقازىر ءبارى دۇرىس...ءوزىمدى جاقسى سەزىنەمىن. يۋريي پيا مەنىڭ ەكىنشى اكەم سياقتى. ورتالىق باسشىلىعىنا مىڭ العىس...60 جاستان كەيىن ءوزىمدى وسىلاي سەزىنەمىن دەپ ويلاعان جوقپىن"، - دەدى قۇنانباي اعا. وسى كەزدە جاساندى جۇرەك شيقىلداي باستادى. دارىگەرلەر وعان كوپ قوبالجۋعا بولمايتىنىن ايتىپ، پاسيەنتتى پالاتاسىنا الىپ كەتتى.