الماتى ارەنادا ۇلتتىق مۋزىكالىق جۇلدە " جىل تاڭداۋى" دەپ اتالاتىن ءان مەرەكەسى باستالىپ كەتتى، دەپ حابارلايدى Qamshy.kz اقپارات اگەنتتىگى.
ارەناداعى اتموسفەرا...
ساعات التىدان باستالۋى كەرەك كونسەرت قىرىق بەس مينۋتقا كەشىگىپ باستالدى. العاشقىلاردىڭ ءبىرى بولىپ ساحناعا شىققان گۇلنۇر ورازىمبەتوۆا "مەنىڭ نازىك ءۇنىمدى تىڭداساڭ " دەپ ءان شىرقاسا، جىگەر اۋىپبايەۆ "الدامادىڭ" دەپ كورەرمەندەردى قۋانتتى. ۇيىمداستىرىلۋ جاعىنان از-كەم كەمشىلىكتەر بولعانىمەن، كەش ءوز ورنىمەن جالعاسىپ جاتىر. كەش جۇرگىزۋشىلەرى - جۇلدىزدى جۇپ توقتار مەن بەيبىت، قۇرالاي اناربەكوۆا، تاۋەكەل ءمۇسلىم، داۋلەت بيجانوۆ، نۇرسۇلتان قۇرمان، اسەل اسقار، ءلايلا سۇلتان،ماييا بەكبايەۆا، ەركە ەسماحان، يۋسۋف چيم.
ۇلتتىق مۋزىكالىق جۇلدە كىمدەرگە بۇيىرادى؟ قازاق شوۋ-بيزنەسىنىڭ بۇگىنگى دەڭگەيى قانداي؟ وسى سۇراقتاردىڭ جاۋابىن بۇگىن بىلەتىن بولامىز.
كەشتىڭ ۇيىمداستىرلۋىنا حالىقتىڭ كوڭىلى تولمادى
كەشتى تاماشالاۋعا كەلگەن اسەم ەسىمدى كەلىنشەكپەن تىلدەستىك. كونسەرت ءۇشىن قىزىمەن اۋىلدان كەلگەن ول 5500 بيلەت الىپ الدانىپ قالعانىنا قاپا. سەبەبى كاسسيرلەر ەڭ قىمبات بيلەتكە ەڭ ناشار ورىندى ساتىپ جىبەرگەن. ولاي دەيتىنىمىز، B2 دەگەن سەكتور اپپاراتتىڭ قاسىندا ورنالاسقان. بيىك اپپاراتتان ساحنانى كورۋ مۇمكىن ەمەس.
اسەم قىزىمەن ۇيىمداستىرىلۋشاردى شارق ۇرىپ ىزدەگەنىمەن ناتيجەگە قول جەتكىزە المادى. ۆولونتەرلەر شاراسىز. ەشكىم باسقا ورىن ۇسىنبادى.
ال قايرات ەسىمدى الماتىلىق تۇرعىن ءبىر اي بۇرىن 5000 تەڭگەگە ساتىپ العان بيلەتتەرىنىڭ بۇگىن 1000 تەڭگەگە ساتىلىپ جاتقانىن كورىپ قاپالانعان. كەيبىر سەكتورلارىنىڭ ورنالاسۋىنا دا كوڭىلى تولمايتىنىن جەتكىزدى.
ەڭ قىزىعى، كونسەرتتى تۇرىپ كورگىڭ كەلسە، 2000 تەڭگە بەرەسىڭ. ۇيىمداستىرىلۋشىلاردىڭ سوزىنە سەنسەك، بيلەتتەر 500 تەڭگەدەن باستالادى ەكەن. ال ەڭ قىمبات بيلەتتىڭ قۇنى 5500 تەڭگە.
ونىڭ ۇستىنە ەسىمى ەلگە تانىس ەمەس انشىلەر دە كوپ. ازىرگە سەرىكبول سايلاۋبەك، "مەلومەن" توبى، عازيزحان شەكەربەكوۆتىڭ ونەر كورسەتۋلەرى ەرەكشە اسەر قالدىردى.
كەشتى ۇيىمداستىرۋشىلار ايتىلعان سىندى دۇرىس قابىلداسا ەكەن دەيمىز.
ال Qamshy.kz ونەرپازدارعا ساتتىلىك تىلەپ وتىرىپ، الدا كەلە جاتقان تاۋەلسىزدىك مەيرامىمەن بارشاڭىزدى قۇتتىقتايدى! ۇلتتىق مۇددە ءارقاشان ۇستەم بولسىن!
