بىشكەكتىڭ قۇقىق قورعاۋ ورگاندارى وقۋشىلاردىڭ ۇرلانۋى جايىندا اقپاراتتى تەكسەرىپ جاتىر. بۇل تۋرالى Sputnik قىرعىزستانعا ىشكى ىستەر باسقارماسىنىڭ باسپا ءسوز قىزمەتى حابارلادى.
WhatsApp الەۋمەتتىك جەلىسىندە كامەلەت جاسقا تولماعان بالالاردىڭ ۇرلانىپ جاتقانى جايىندا ۆيدەوحابارلاما ءجيى تارالاتىن بولدى. ايەل ادام ءوزىنىڭ جيەنىن بەلگىسىز بىرەۋلەر ۇرلاپ كەتە جازداعانىن، الايدا كوشەدەن ءوتىپ بارا جاتقان ەرلى-زايىپتىلاردىڭ توناۋشىعا بوگەت بولعانىن ايتقان. كەلەسى ءبىر حابارلامادا بىشكەك تۇرعىنىنىڭ كىشكەنتاي قىزى مەكتەپ وقۋشىلارىنىڭ قالاي تونالعانىن ءوز كوزىمەن كورگەندىگى ايتالادى.
«ءبىز بۇل اقپاراتتى تەكسەرىپ جاتىرمىز. جاقىن ۋاقىتتا ءبارى بەلگىلى بولادى»، - دەدى استانالىق ميليسيانىڭ باسپا ءسوز قىزمەتىندە.
رەسمي دەرەكتەرگە سايكەس، جىل سايىن قىرعىزستاندا 800 بالا مەن جاسوسپىرىمدەر ءىز-تۇسسىز جوعالىپ كەتەدى.
