بۇگىن ۇكىمەت ۇيىندەگى باسپا ءسوز ورتالىعىندا ق ر يدم كولىك كوميتەتى مەن اۆتوموبيل جولدارى كوميتەتىنىڭ باسشىلارى «نۇرلى جول» باعدارلاماسىن ىسكە اسىرۋدىڭ 2017 جىلعا ارنالعان ناتيجەلەرىن قورىتىندىلادى دەپ حابارلايدى Qamshy.kz اقپارات اگەنتتىگى.
ق ر يدم اۆتوموبيل جولدارى كوميتەتىنىڭ ءتوراعاسى مەرەكە پىشەمبايەۆتىڭ ايتۋىنشا، بيىل قاراعادىنى اينالىپ وتەتىن جولدى قوسقاندا ورتالىق-وڭتۇستىك جوباسىنىڭ تەمىرتاۋ-قاراعاندى ۋچاسكەسىندە قۇرىلىس جالعاسۋدا. سونداي-اق، ورتالىق-شىعىس جوباسى بويىنشا استانا-پاۆلودار-سەمەي-قالباتاۋ جانە بەينەۋ-اقتاۋ، اقتوبە-اتىراۋ، قاپشاعاي-تالدىقورعان، استانا-پەتروپاۆل جانە ورال-قامەنكا ۋچاسكەلەرىندەگى جالپى ۇزاقتىعى 1،2 مىڭ شاقىرىم بولاتىن ۋچاسكەلەردە قۇرىلىس جۇمىستارى ءجۇرىپ جاتىر.
وتپەلى جوبالارمەن قاتار، بيۋدجەتتىك قاراجات ەسەبىنەن ۇزاقتىعى 511 شاقىرىم بولاتىن بەينەۋ-اقجىگىت، ششۋچينسك-زەرەندى، تاسكەسكەن-باحتى، ءۇشارال-دوستىق، وسينوۆسكيي اسۋى، قوستاناي-دەنيسوۆكا سياقتى 6 جوبانى ىسكە اسىرۋ قولعا الىندى.
«2018-2019 جىلدارى رەسپۋبليكالىق ماڭىزى بار 6،2 مىڭ شاقىرىم اۆتوجولداردى ورتاشا جوندەۋدەن وتكىزۋ ءۇشىن 4،4 مىڭ شاقىرىمدى رەكونسترۋكسيالاۋ جانە 800 شاقىرىم جولعا كۇردەلى جوندەۋ جۇمىستارىن جۇرگىزۋ جوسپارلانىپ وتىر»، - دەدى م.پىشەمبايەۆ.
كەلەسى جىلى ورتالىق-شىعىس ءدالىزىنىڭ استانا-پاۆلودار ۋچاسكەسىن، تەمىرتاۋ-قاراعاندى ۋچاسكەسىن، ساراتوۆقا شىعاتىن ورال-قامەنكا اۆتوجولىن جانە تاسكەسكەن-باقتى ۋچاسكەلەرىن اياقتاۋ جوسپارلانىپ وتىر.
بيىلاستانا-تەمىرتاۋ، الماتى-قاپشاعاي جانە الماتى-قورعاس ۋچاسكەلەرىندە اقىلى جول جۇيەسىن قۇرۋ بويىنشا جۇمىس باستالدى. ونىڭ جوسپارلانعان جىلدىق جيناعى 4 ملرد. تەڭگەنى قۇرايتىن بولادى.
2020 جىلعا قاراي اقىلى جولدان تۇسەتىن جىل سايىنعى جيىنتىق 30 ملرد. تەڭگەنى قۇرايتىن بولادى. جالپى العاندا، جۇرگىزىلگەن جۇمىستىڭ قورىتىندىسى بويىنشا رەسپۋبليكالىق ماڭىزى بار اۆتوموبيل جولدارىنىڭ 90% -ىن جاقسارتۋ، ءى جانە ىى-تەحنيكالىق ساناتتاعى اۆتوموبيل جولدارىنىڭ ۇلەسىن 50% -عا دەيىن ارتتىرۋ كوزدەلگەن. بۇل جۇك تاسىمالىن 2 ەسەگە ارتتىرۋعا جانە جولعا كەتەتىن ۋاقىتتى 1،5 ەسەگە ازايتۋعا مۇمكىندىك بەرەدى.
ق ر يدم كولىك كوميتەتى ءتوراعاسىنىڭ ورىنباسارى دميتريي پوتلوۆتىڭ ايتۋىنشا، 2017 جىلعى قاراشادا الماتى-شۋ ۋچاسكەسىندە جالپى ۇزاقتىعى 112،37 كم ەكىنشى جولدى سالۋ جوباسىن جۇزەگە اسىرۋ بويىنشا جۇمىستار اياقتالدى. جوبانى جۇزەگە اسىرۋ ۋچاسكەنىڭ وتكىزۋ مۇمكىندىگىن كۇنىنە 17-دەن 68 جۇپ پويىزعا دەيىن ارتتىردى جانە پويىزدىڭ جول ءجۇرۋ ۋاقىتىن 1،5 ەسەگە قىسقارتۋعا مۇمكىندىك بەردى.
2016 جىلعى جەلتوقساندا قۇرىق پورتىندا - جىلىنا 4 ملن. توننا جۇك تاسىمالدايتىن تەمىرجول پاروم تەرمينالى ىسكە قوسىلدى. وپەراسيالار باستالعان كەزدەن بەرى (اعىمداعى جىلدىڭ ناۋرىزىنان باستاپ) شامامەن 1،3 ميلليون توننا جۇك وڭدەلدى. قازىرگى ۋاقىتتا جىلىنا 2 ملن. توننا جۇكتى وڭدەيتىن جوبانىڭ ەكىنشى كەزەڭىن ىسكە اسىرۋ جالعاسۋدا.
بيىل 6 جەلتوقساندا وتكەن يندۋستريالاندىرۋ كۇنى اياسىندا قۇرىق پورتىنداعى اۆتوكولىك پاروم تەرمينالىن سىناقتان وتكىزۋ جۇزەگە اسىرىلدى. 2018 جىلى 2 كەزەڭ نىساندارىنىڭ قۇرىلىسىن اياقتاۋ جوسپارلانۋدا. جالپى العاندا، جوبانى اياقتاعاننان كەيىن كاسپيي تەڭىزىندەگى تەڭىز پورتتارىنىڭ وتكىزۋ مۇمكىندىكتەرى جىلىنا 26 ملن. تونناعا دەيىن جەتكىزىلەدى.
2017 جىلدىڭ 30 مامىرىندا جاڭا «نۇرلى جول» ۆوكزال كەشەنى ىسكە قوسىلدى. جاڭا ۆوكزال كەشەنى 52 پويىزعا قىزمەت كورسەتەدى. ولاردىڭ ىشىندە 16 جوعارى جىلدامدىقتى «تۇلپار-تالگو»، 22 جانە 14 قالا ماڭىنداعى ەلەكترلىك پويىزدار بار.
ورتاشا العاندا، تاۋلىگىنە 16 جۇپ، ال دەمالىس كۇندەرى - 20 جۇپ پويىز وتەدى. جالپى، جاڭا ۆوكزالدىڭ وتكىزۋ قمۇمكىندىگى تاۋلىگىنە 35 مىڭ جولاۋشىعا دەيىن جەتەدى. ەكى ۆوكزالدىڭ جالپى وتكىزۋ مۇمكىندىگىتاۋلىگىنە 47 مىڭ جولاۋشعا جەتەدى.
