«قازاتومونەركاسىپ» كومپانياسى تەگەرانمەن 2015 جىلى يادرولىق كەلىسىم جاساسقان الەمدىك التى دەرجاۆادان رۇقسات العانعا دەيىن يرانعا ۋران جەتكىزۋدى كەيىنگە قالدىردى دەپ حابارلادى شەتەلدىك ب ا ق. بۇل تۋرالى Qamshy.kz اقپارات اگەنتتىگى ازاتتىققا سۇيەنىپ جازادى.
يادرولىق كەلىسىم بويىنشا، تەگەران يادرولىق باعدارلاماسىن دوعارىپ، ەسەسىنە يرانعا سالىنعان ەكونوميكالىق سانكسيالار جەڭىلدەتىلۋى ءتيىس.
بريتاندىق New Europe اقپاراتتىق سايتىنىڭ حابارلاۋىنشا، «قازاتومونەركاسىپ» ءتوراعاسى عالىمجان ءپىرماتوۆ 21 جەلتوقساندا استانادا وتكەن بريفينگتە يرانعا ۋران كونسەنتراتى يادرولىق كەلىسىمگە قول قويعان اقش، رەسەي، جۇڭگو، ۇلىبريتانيا، فرانسيا جانە گەرمانيانىڭ ماقۇلداۋىنان كەيىن عانا جەتكىزىلەتىنىن ايتقان.
يران قازاقستاننان 950 توننا ۋران كونسەنتراتىن ساتىپ الۋ تۋرالى كەلىسىمگە 2016 جىلدىڭ ساۋىرىندە قول قويعان. ول كەلىسىم بويىنشا، ۋران بيىل جەتكىزىلەدى دەپ جوسپارلانعان، ءبىراق التى ەلدەن رۇقسات الۋ مەرزىمى سوزىلىپ كەتكەن سوڭ ول كەيىنگە قالدىرىلعان.
يراندىق Financial Tribune سايتىنىڭ حابارلاۋىنشا، «قازاتومونەركاسىپ» كەلىسىم كۇشىن 2020 جىلعا دەيىن ۇزارتقان جانە ۋران التى ەلدەن رۇقسات الىنعانىنا قاراي 2018-2020 جىلدارى جەتكىزىلەدى دەپ جوسپارلانعان.
