ومىردەن وتكەنىنە 35 جىل بولسا دا، ونىڭ قازاق ازاماتىنا ساي تىك مىنەزى، ءومىرىنىڭ سوڭىنا دەيىن ادام اتىنا كىر كەلتىرمەگەنى، ارتىنا قالدىرعان قىمبات قازىنا – كىتاپتارى مەن قاناتتى سوزدەرى بۇگىنگى ۇرپاققا ونەگە بولماق. وسىنداي ءبىرتۋار باتىردى قازاق حالقىنا سىيلاعان كۇن قۇرمەتىنە باۋىرجان مومىش ۇلى تۋرالى دەرەكتەر ۇسىنامىز.

باۋىرجان مومىش ۇلى ءۇش قىزدان كەيىن، اكەسىنىڭ 53 جاسىندا دۇنيەگە كەلگەن.

بالا كەزدەگى لاقاپ اتى – «شاڭتيمەس».

22 جاسىندا اسكەري قىزمەتتى قاتارداعى جاۋىنگەردەن باستاپ، 5 مىڭ باسى (ديۆيزيا كومانديرى) بولۋ دارەجەسىنە دەيىن جەتكەن.

سوعىس ۋاقىتىندا ديۆيزيا باسقارعان ەكى-اق قازاقتىڭ ءبىرى بولعان. ەكىنشىسى – ءابىلقايىر بايمولدين.

ماسكەۋ ءۇشىن شايقاستا 207 رەت ۇرىسقا كىرگەن.

بويى 1 مەتر 78 سانتيمەتر.

قىستى كۇنگى ايازدا دا تەرەزەنى اشىپ ۇيىقتايتىن، قولعاپ كيمەيتىن بولعان.

قولىنا تۇسكەن قاعازعا ويۋ ويىپ، سۋرەت سالاتىن بولعان. بىر-بىرىنە ۇقسامايتىن 70-كە جۋىق ويۋى ساقتالعان.

ەڭبەك جولىن ۇستازدىقتان باستاپ، باستاۋىش سىنىپتارعا ساباق بەرگەن، بانك ەكونوميسى قىزمەتىنە اتقارعان، ات ۇستىندە قىلىشپەن ونەر كورسەتۋدىڭ شەبەرى، سوعىستان كەلگەن سوڭ جازۋمەن، شىعارماشىلىقپەن اينالىسقان.

ورىس ءتىلىن ادەيىلەپ ادەمى قازاقشا اكسەنتپەن سويلەيتىن بولعان.

دايىنداعان:اسەل اسانوۆا