المالى اۋداندىق سوتى قازاقستان رەسپۋبليكاسى قىلمىستىق كودەكسىنىڭ 198-بابىنىڭ 2-تارماعىنا سايكەس، اتاپ ايتقاندا، Microsoft كونترافاكتىلىك باعدارلامالىق جابدىقتاماسىنىڭ دانالارىن ساتۋ ماقساتىندا «MOON» ساۋدا دۇكەنىندە ولاردى ساتىپ الىپ، ساقتاعانى ءۇشىن جەكە كاسىپكەر ا.ۋ. وتەبەكوۆ ايىپتى دەپ تانىلدى دەپ حابارلايدى Qamshy.kz اقپارات اگەنتتىگى.
ۇستىمىزدەگى جىلدىڭ 7 جەلتوقسانىندا شىعارىلعان ايىپتاۋ ۇكىمىنە سايكەس ا.ۋ. وتەبەكوۆ الماتى قالاسىندا كومپيۋتەرلەردىڭ، قوسالقى جابدىقتىڭ جانە باعدارلامالىق جابدىقتامانىڭ بولشەك ساۋداسى سالاسىندا كاسىپكەرلىك قىزمەتتى جۇرگىزۋمەن اينالىسادى. سوتتالۋشى الىپ-ساتۋ ماقساتىندا «Microsoft» ساۋدا بەلگىسىمەن تاڭبالانعان كونترافاكتىلىك باعدارلامالىق ونىمدەردى زاڭسىز جولمەن ساتىپ الىپ، ساقتاعان، وسى ارەكەتتەرى ارقىلى بۇل ونىمدەردىڭ زاڭدى قۇقىق يەسى بولىپ تابىلاتىن Microsoft كورپوراسياسىنا ايتارلىقتاي زالال كەلتىردى.
ءبىرىنشى ساتىلى سوت ا.ۋ. وتەبەكوۆتى قىلمىستىق كودەكستىڭ 198-بابىنىڭ 2-تارماعىندا كورسەتىلگەن قىلمىستىق تەرىس قىلىقتى جاساعانى ءۇشىن ايىپتى دەپ تاپتى. وتەبەكوۆ اپەللياسيالىق سوتقا شاعىم تۇسىرگەنىمەن، اتالعان سوت ۇكىمدى وزگەرىسسىز قالدىردى. بۇل قازاقستان بيلىگىنىڭ ەلدەگى كونترافاكتىلىك باعدارلامالىق جابدىقتاماعا قارسى كۇرەس جۇرگىزۋگە بەل بايلاپ وتىرعانىن اڭعارتادى.
باعدارلامالىق جابدىقتامانى قولدان جاساۋ، سونداي-اق، مۇنداي باعدارلامالىق جابدىقتامانى قولدانۋ جانە وتكىزۋ اۆتورلىق قۇقىق تۋرالى 1996 جىلدىڭ 10 ماۋسىمىنداعى «اۆتورلىق قۇقىق جانە ساباقتاس قۇقىق تۋرالى» № 6-I ق ر زاڭىندا كورسەتىلگەن ەڭ كەڭ تارالعان قۇقىق بۇزۋشىلىقتاردىڭ ءبىرى بولىپ تابىلادى. وتەبەكوۆكە ۇكىم شىعارعان ق ر قىلمىستىق كودەكسىنىڭ 198-بابىنا سايكەس (اۆتورلىق جانە/نەمەسە ساباقتاس قۇقىقتاردى بۇزۋ) ايىپتى 100 اەك-كە دەيىنگى مولشەردە ايىپپۇل تولەۋى نەمەسە 120 ساعاتقا دەيىنگى مەرزىممەن قوعامدىق جۇمىستارعا تارتىلۋى ءتيىس دەپ كورسەتىلگەن. ۇلكەن اۋقىمدا قىلمىس جاسالعان جاعدايدا، 5000 اەك مولشەرىندە ايىپپۇل تولەۋ نەمەسە سول كولەمدە تۇزەتۋ جۇمىستارى نەمەسە 5 جىلعا دەيىن باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ جازاسىن قولدانۋ قاراستىرىلعان.
ونىڭ ۇستىنە قاجەتتى ليسەنزياسى جوق باعدارلامالىق ونىمدەردى قولدانۋ قازاقستاندىق قولدانۋشىلاردىڭ قاۋىپسىزدىگىنە تىكەلەي ءقاۋىپ توندىرەدى. IDC كومپانياسىنىڭ زەرتتەۋىنە سايكەس ليسەنزيالانباعان باعدارلامالار پاكەتىن ورناتقان كەزدە نەمەسە ليسەنزياسى جوق باعدارلامالىق جابدىقتاما ورناتىلعان دەربەس كومپيۋتەردى ساتىپ العان كەزدە قولدانۋشىلار مەن كومپانيالاردىڭ زالالدى باعدارلامالىق جابدىقتاماعا تاپ بولۋ ءقاۋپى 33%-عا وسەدى ەكەن1. وسى ورايدا مۇنداي زالالدى باعدارلامالىق جابدىقتامانىڭ كوبىسىن الاقول ۇيىمدار زاڭسىز جولمەن تابىس تابۋ، دەرەكتەردى ۇرلاۋ، ەلەكتروندىق بوپسالاۋ نەمەسە باسقا دا قىلمىستىق ارەكەتتەردى ورىنداۋ ماقساتىندا جاساپ شىعاراتىنىن اتاپ وتكەن ءجون2.
كومپانيالار سەنىمدى جەتكىزۋشىلەردەن ليسەنزياسى بار باعدارلامالىق جابدىقتامانى ساتىپ الۋ ارقىلى كيبەرقاۋىپسىزدىكپەن بايلانىستى قاۋىپتەردى تومەندەتە الادى.
Microsoft كورپوراسياسى قولدانۋشىلاردى ليسەنزياسى جوق باعدارلامالىق جابدىقتامانى ساتىپ الۋ جانە قولدانۋدان باس تارتىپ، قازىرگى زامانداعى كيبەرقاۋىپتەردەن ءوزىن جانە ءوز دەرەكتەرىن قورعاۋعا شاقىرادى. تولىعىراق اقپاراتتى Microsoft-تىڭ www.microsoft.com/ru-ru/antipiracy سايتىنان بىلە الاسىزدار.
«بۇل جەكەلەگەن وقيعا ءبىزدىڭ كليەنتتەردى ولاردىڭ قاۋىپسىزدىگىنە تونەتىن كۇردەلى قاۋىپتەردەن، سونداي-اق، زاڭدىق جانە قارجىلىق تاۋەكەلدەردەن قورعاۋعا باعىتتالعان Microsoft ستراتەگياسىنىڭ ءبىر بولىگى بولىپ تابىلادى. كيبەرقىلمىستارعا قارسى ءتيىمدى كۇرەس جۇرگىزۋ قازاقستانداعى ءقاۋىپسىز كيبەركەڭەستىكتى ورناتۋ ءۇشىن ومىرلىك ماڭىزعا يە»، - دەپ اتاپ ءوتتى Microsoft تمد بيزنەس-وپەراسيالار جونىندەگى ديرەكتورى ءاليا نازارقاسىموۆا.
پىكىر قالدىرۋ