26 جەلتوقساندا ماجىلىستە الەۋمەتتىك-مادەني دامۋ كوميتەتىنىڭ وتىرىسى شەڭبەرىندە كينوماتوگرافيا تۋرالى» زاڭ جوباسىنىڭ تانىستىرىلىمى ءوتتى، دەپ جازادى Qamshy.kz اقپارات اگەنتتىگى. 

شارانى اشقانكوميتەت حاتشىسى ب. مامرايەۆ ەلىمىزدەگىكينوماتوگرافيا سالاسىنا توقتالا كەلە:

-وزدەرىڭىزگە بەلگىلى، قازاقستان كينەماتوگرافياسىنىڭ تاريحى جوق ەمەس. ول جەكە اڭگىمە. ءبىراق ەلىمىز ەگەمەندىك العاننان بەرى كينو تۋرالى زاڭنىڭ قاجەتتىلىگى، ماسەلەنىڭ وزەكتىلىگى ارتپاسا ازايعان ەمەس. وسى باعىتتا بۇگىن قىزىقتى جانە ماعىنالى تالقىلاۋ بولادى دەپ سەنەمىز، - دەدى.

ودان ءارى مادەنيەت جانە سپورت ءمينيسترى ارىستانبەك مۇحامەدي ۇلى زاڭناماداعى جاڭالىقتار تۋرالى باياندادى.

- ەلباسى التىنشى شاقىرىلىمداعى قازاقستان رەسپۋبليكاسى پارلامەنتى سەسسياسىنىڭ اشىلۋىندا بەرگەن تاپسىرماسىنىڭ ارقاسىندا «كينەماتوگرافيا تۋرالى» زاڭ جوباسى العاش رەت ازىرلەندى.ونەردىڭ ماڭىزدى سالالارىنىڭ ءبىرى – كينو سالاسىنا اسا ءمان بەرىپ، مادەنيەتىمىزدى جاھاندىق ارەناعا كەڭىنەن تانىمال ەتۋ بۇگىنگى كۇننىڭ كەزەك كۇتتىرمەيتىن ماسەلەسى. سوندىقتان بۇل باستاما بارشامىزعا وراسان زور جاۋاپكەرشىلىك جۇكتەيدى. ءبىرىنشى كەزەكتە، زاڭنامالىق شارالار ارقىلى ۇلتتىق كينەماتوگرافياعا قولداۋ كورسەتۋ، ونى جاڭا ساپالىق دەڭگەيگە شىعارۋ جولىنداعى قوعامدىق قارىم-قاتىناستاردى رەتتەيتىن ماڭىزدى قۇرالى ەكەنىن ەسكەرۋىمىز ءتيىس. ەكىنشىدەن، وتاندىق كينونىڭ مارتەبەسىن جوعارىلاتىپ، قازاقستاندىقتاردىڭ ۇلتتىق كينوعا دەگەن قىزىعۋشىلىعىن ارتتىرۋ قاجەت. ۇشىنشىدەن، بارلىق دامىعان ەلدەردە قالىپتاسقانداي، ۇلتتىق كينونى جاھاندىق كەڭىستىككە شىعارۋ ارقىلى ەلىمىزدىڭ مادەنيەتىن تانىمال ەتۋ بۇگىنگى باستى ماسەلەلەردىڭ ءبىرى، - دەدى مينيستر.

دەپۋتاتتارعا ۇسىنىلعان زاڭ جوباسىنىڭ ماقساتى – ۇلتتىق فيلمدەردىڭ ساپاسىن جانە باسەكەگە قابىلەتتىلىگىن ارتتىرۋ، حالىققا ارنالعان كينوكورسەتىلىم قىزمەتىنىڭ قولجەتىملى بولۋى، كينويندۋستريانىڭ اشىقتىعى مەن ينۆەستيسيالىق تارتىمدىلىعى، شەتەلدەردە قازاقستاندىق كينو مارتەبەسىنىڭ ءوسۋى مەن ونى مويىنداۋ بولىپ تابىلادى. جالپى ايتقاندا، جوبا كينو ونەرىن ءارى قاراي دامىتۋ ءۇشىن كينوماتوگرافيا سالاسىنداعى قاتىناستاردى رەتتەيتىن ءتيىمدى قۇقىقتىق نەگىزدى قۇرۋعا مۇمكىندىك بەرمەك.

بۇگىنگى تاڭدا «مادەنيەت تۋرالى» زاڭدا فيلمدەردى «ۇلتتىق» دەپ تانۋعا، پروكاتتىق كۋالىكتەر بەرۋگە، ولاردى يندەكستەۋگە، باستاپقى ماتەريالدارىن ساقتاۋ تۇرلەرى مەن پروكات تىلىنە بايلانىستى قاتىناستاردى رەتتەيتىن التى باپ كوزدەلگەن. بۇل كينوماتوگرافيانى دامىتۋدىڭ قازىرگى زامانعى تالاپتارىنا تولىق جاۋاپ بەرمەيدى. وسىعان بايلانىستى زاڭ جوباسى وتاندىق كينويندۋستريانى ودان ءارى دامىتۋدىڭ تۇجىرىمدامالىق نەگىزىن كوزدەيدى. ونىڭ ءبىرى ۇلتتىق كينونى مەملەكەتتىك قولداۋ قورىن قۇرۋ جانە ونىڭ جۇمىس ىستەۋى بولىپ تابىلادى. قور وندىرىسىنە، پروكاتتاعا، شىعارۋعا، كورسەتۋگە جانە ۇلتتىق فيلمدەردى ودان ءارى ىلگەرىلەتۋگە بولىنەتىن مەملەكەتتىك قاراجاتتى ءبولۋدىڭ نەگىزگى وپەراتورى بولماق.

شارا بارىسىندا قۋانىش سۇلتانوۆ، زاۋرەش امانجولوۆا، گەنناديي شيپوۆسكيح جانە باسقا دا دەپۋتتاتتار كينو ونەرى سالاسىنداعى ءبىرقاتار ماسەلەلەرگە نازار اۋدارىپ، مينيستر ارىستانبەك مۇحامەديۇلىنا سۇراقتار قويىپ، ۇسىنىستارىن ءبىلدىردى. وسى رەتتە، ءماجىلىستىڭ الەۋمەتتىك-مادەني دامۋ كوميتەتىنىڭ وتىرىسى شەڭبەرىندە دەپۋتاتتار تاراپىنان ۇسىنىلعان ۇسىنىستار مەن ەسكەرتۋلەر نازارعا الىناتىن بولادى.

زاڭ جوبالارىنىڭ تانىستىرىلىمىنا پارلامەنت ءماجىلىسىنىڭ دەپۋتاتتارى، ورتالىق اتقارۋشى ورگان جانە ەلىمىزگە بەلگىلى رەجيسسەرلەر ساتىبالدى نارىمبەتوۆ، رۇستەم ابدىراشيەۆ سياقتى شىعارماشىلىق زيالى قاۋىم مەن ۇكىمەتتىك ەمەس ۇيىمداردىڭ وكىلدەرى قاتىستى.