2018 جىلعى 1 قاڭتارىنان باستاپ – «قازاقستان رەسپۋبليكاسىنداعى كەدەندىك رەتتەۋ تۋرالى» جاڭا كەدەن كودەكسىنىڭ كۇشىنە ەنۋى كۇتىلۋدە دەپ حابارلايدى Qamshy.kz اقپارات اگەنتتىگى. 

بۇل قۇجات بيزنەستىڭ تىكەلەي قاتىسۋىمەن دايىندالدى جانە كەدەندىك راىمدەردى وڭايلاتۋعا، ۋاقىتتىق جانە قارجىلىق شىعىنداردى تومەندەتۋگە، سونداي-اق سىرتقى ەكونوميكالىق قىزمەتتى جۇرگىزۋدىڭ ليبەرالدى شارتتارىن ورناتادى.

كودەكستىڭ نەگىزگى نوۆەللاسى ەلەكتروندىق كەدەندىك دەكلاراسيالاۋدىڭ باسىمدىلىعى بولىپ تابىلادى. ەندى قاعاز تۇرىندەگى دەكلاراسيالاۋ تەك قانا اۆاريالىق جاعدايلارداعى اقپاراتتىق جۇيەلەردىڭ اقاۋلارى سياقتى ەرەكشە جاعدايلاردا عانا جۇزەگە اسىرىلادى.

بۇدان باسقا قاعاز تۇرىندەگى دەكلاراسيا ترانزيت كەدەندىك راسىمىنە ورنالاستىرىلاتىن تاۋارلاردى، جەكە پايدالانۋعا ارنالعان تاۋارلاردى، سونداي-اق حالىقارالىق تاسىمال كولىك قۇرالىن دەكلاراسيالاۋ كەزىندە ۇسىنىلادى.

زاڭنامانى بۇزۋ تاۋەكەلى جوق بولعان جاعدايدا كەدەندىك دەكلاراسيالاردى كەدەن ورگاندارىنىڭ لاۋازىمدى تۇلعالارىنىڭ قاتىسۋىنسىز – اقپاراتتىق جۇيەلەردى قولدانۋمەن اۆتوماتتى تۇردە تىركەۋ جانە شىعارۋ مۇمكىندىگى قاراستىرىلعان.

كەدەن ورگاندارىنا الدىن الا اقپاراتتى ۇسىنۋ بويىنشا قاعيدالار ەداۋىر پىسىقتالدى. الدىڭعى قاتارلى مەملەكەتتەرگە ۇقساس الدىن الا اقپاراتتى جەتكىزىلىمدەردىڭ قاۋىپسىزدىگىن قامتاماسىز ەتۋ ماقساتى ءۇشىن ۇسىنۋ قاجەتتىلىگى ەنگىزىلدى.

بۇل رەتتە كەدەندىك وپەراسيالاردى جاساۋدى جىلدامداتۋ ماقساتى ءۇشىن ءبىرۋاقىتتا بىرنەشە كەدەندىك وپەراسيالار كەزىندە قولدانىلا الاتىن قوسىمشا الدىن الا اقپراراتتى ۇسىنۋ قاراستىرىلعان.

بيزنەستى جۇرگىزۋدى وڭايلاتۋ ماقساتىندا سىرتقى ەكونوميكالىق قىزمەتكە قاتىسۋشىلار ءۇشىن كەدەندىك باجداردى كەيىن تولەۋ نەمەسە ءبولىپ تولەۋ مۇمكىندىگى ۇسىنىلادى.

ءۇش ءتيپتى كۋالىكتى ەنگىزۋمەن ۋاكىلەتتى ەكونوميكالىق وپەراتورلار ينستيتۋتى جەتىلدىرىلدى.

ءبىرىنشى ءتيپتى كۋالىك ەۋرازيالىق ەكونوميكالىق وداعىنىڭ بارلىق اۋماعىندا تاۋارلاردىڭ ءترانزيتى كەزىندە وڭايلاتۋلاردى قولدانۋعا مۇمكىندىك بەرەدى.

كۋالىكتىڭ ەكىنشى ءتيپى تاۋارلاردى تىكەلەي قازاقستان رەسپۋبليكاسى اۋماعىندا كەدەندىك تازارتۋ كەزىندە وڭايلاتۋلاردى بەرەدى.

كۋالىكتىڭ ءۇشىنشى ءتيپى ۋاكىلەتتى ەكونوميكالىق وپەراتورلاردىڭ ءبىرىنشى جانە ەكىنشى تيپتەرى ءۇشىن ۇسىنىلاتىن كەشەندى وڭايلاتۋلارمەن قولدانۋعا مۇمكىندىك بەرەدى.

ەۋروپالىق وداق ەلدەرىندە قولدانىستاعى تاجىريبەگە ۇقساس قازاقستان رەسپۋبليكاسىنا كەلەتىن، سونداي-اق قازاقستان رەسپۋبليكاسى جانە ەۋرازيالىق ەكونوميكالىق وداققا قاتىسۋشى باسقا ەلدەر اراسىندا تاسىمالدايتىن تۇلعالارعا تاۋارلاردى باجسىز ساۋدا دۇكەندەرىندە ساتۋ مۇمكىندىگىنە جول بەرىلەدى.

كەدەندىك زاڭنامانىڭ بارلىق جاڭاشىلىقتارى مەن وڭايلاتۋلارى سىرتقى ەكونوميكالىق قىزمەتتى جۇرگىزۋدى جەڭىلدەتۋمەن وتاندىق ەكونوميكانى دامىتۋ ءۇشىن جاعداي جاساۋعا ارنالعان.