قازاقستان مۇسىلماندارى ءدىني باسقارماسىنىڭ ءتوراعاسى سەرىكباي قاجى وراز Qamshy.kz اقپارات اگەنتتىگىنىڭ جەتەكشىسى ءبىلال قۋانىشپەن كەزدەستى.
كەزدەسۋدە جۋرناليست ءبىلال قۋانىش باس ءمۇفتيدى جاڭا قىزمەتىمەن قۇتتىقتاپ، سىيعا قامشى تارتۋ ەتتى.
باس ءمۇفتي عالامتوردىڭ قوعامداعى ءرولى مەن ماڭىزىنا توقتالىپ، ءدىني باسقارمانىڭ يگى جوبالارى مەن جوسپارلارى تۋرالى بايانداپ بەردى.
«ءدىني باسقارمانىڭ يگى جۇمىستارىنا ءاردايىم اقپاراتتىق قولداۋ كورسەتىپ كەلەسىزدەر. ءوز اتىمنان ايرىقشا العىس بىلدىرەمىن. جىلاعاننىڭ مۇڭىنا ورتاقتاساتىن ەڭ ءبىرىنشى ءدىن قىزمەتكەرلەرى مەن جۋرناليستەر. سوندىقتان، ءبىزدى بىرىكتىرەتىن ماقساتتار كوپ. شىعارماشىلىق يەلەرى قوعامدى جاقسىلىققا شاقىرىپ، ىزگىلىككە ۇندەسە يماندى، ىزگى قوعام قۇرىلادى. اللا تاعالا ەل يگىلىگى ءۇشىن جاساپ جاتقان قىزمەتتەرىڭىزگە بەرەكە بەرسىن»، – دەدى باس ءمۇفتي سەرىكباي قاجى ساتىبالدى ۇلى.
جۋرناليست ءبىلال قۋانىش ءدىني باسقارمانىڭ جۇمىستارىن قولدايتىنىن، ءاردايىم اقپاراتتىق قولداۋ جاساۋعا دايىن ەكەنىن جەتكىزدى. سونىمەن قاتار، قايىرىمدىلىق باعىتىنداعى جوبالاردى بىرلەسىپ ىسكە اسىرۋعا ۋاعدالاستى.
