«كحدر قازاقستاننان ۇلگى الىپ، يادرولىق قارۋدان باس تارقانى دۇرىس بولار ەدى». ءدال وسىنداي پىكىردى سەيسەنبى كۇنى بۇۇ جانىنداعى تۇراقتى  وكىلى  قايرات وماروۆ ءبىلدىردى.  بۇل تۋرالى Qamshy.kz اقپارات اگەنتتىگى تاسس-قا سىلتەمە بەرىپ حابارلايدى.

 كحدر يادرولىق قارۋسىزداندىرىلعان ۋاقىتتا رەسەي مەن جۇڭگو ليۆياداعى سياقتى جاعدايدىڭ ورىن الماۋىن قاداعالايتىن بولادى دەدى ق.وماروۆ.

«قازاقستان سولتۇستىك كورەياعا  ۇلگى بولىپ وتىر. ءبىز يادرولىق قارۋدان باس تارتتىق، سىناق پوليگونىن جاپتىق، وسى ارقىلى ءوزىمىزدى يادرولىق قارۋسىز مەملەكەت رەتىندە جاريالادىق. قازىرگى ۋاقىتتا ءبىز ءوزىمىزدىڭ ايماقتىق سەرىكتەستەرىمىزبەن جۇمىس جۇرگىزە وتىرىپ،  يادرولىق قارۋدان تازا ايماق جاسادىق. بىزگە ەشقانداي ءقاۋىپ ءتونىپ تۇرعان جوق. ەكونوميكالىق دامۋعا باسا نازار اۋدارىپ كەلەمىز، اسكەري ماقساتتارعا شىعىن شىعارمايمىز»-،دەدى ديپلومات.

«ءبىزدىڭ ويىمىزشا، سولتۇستىك كورەيا دا بىزدەن ۇلگى الۋى ءتيىس. ارينە، ولاردىڭ وزدەرىنىڭ سەبەپتەرى مەن ماقساتتارى بار. الايدا، رەسەي مەن جۇڭگو بۇل ماقستاتتاردىڭ جۇزەگە اسۋىنا توسقاۋىل بولادى دەپ ەسەپتەيمىن»-دەيدى ول.

ونىڭ ايتۋىنشا، 18 قاڭتاردا «جاپپاي قىرىپ-جوياتىن قارۋلاردى تاراتپاۋ: سەنىم شارتتارى» تاقىرىبىندا دەباتتار وتكىزىلەتىن بولادى جانە وندا ەل پرەزيدەنتى نۇرسۇلتان نازاربايەۆ قاتىساتىن بولادى.