رەسەيدىڭ تۆەر قالاسىندا كوپقاباتتى ۇيلەردىڭ ءبىرىنىڭ 10-قاباتىنان توسەك جايماسىمەن بىرگە سەكىرمەك بولىپ قازا تاپقان ەر ادامنىڭ ءمايىتى تابىلدى، دەپ حابارلايدى Qamshy.kz اقپارات اگەنتتىگى tver.sledcom.ru سايتىنا سىلتەمە جاساي وتىرىپ.
تۆەر قالاسىنىڭ اۋدانارالىق زەرتتەۋ بولىمشەسىندە موجايسكيي كوشەسىندە ورنالاسقان كوپقاباتتى ۇيلەردىڭ ماڭىنان تابىلعان ەر ادامنىڭ مايىتىنە قاتىستى زەرتتەۋ جۇمىستارى جۇرگىزىلدى. زەرتتەۋ جۇمىستارىنىڭ ناتيجەلەرىنە سايكەس، ەر ادام 10-قاباتتان توسەك جايمالارى مەن ورامالداردى بايلاپ، سول ارقىلى تۇسپەك بولعان، ناتيجەسىندە توسەك جايمالارىمەن بىرگە قۇلاپ تۇسكەن. العان جاراقاتتارىنىڭ سالدارىنان ەر ادام وقيعا ورنىندا كوز جۇمدى.
زەرتتەۋشىلەر كوز جۇمعان ەر ادامنىڭ تۋىستارىنان وقيعانىڭ ءمان-جايىن جانە سەبەبىن انىقتاۋ ۇستىندە.
