قازاقستان سيرياعا گۋمانيتارلىق كومەك كورسەتۋ ءۇشىن 185،617 تەڭگە ءبولدى دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە جاساپ. بۇل تۋرالى قازاقستان رەسپۋبليكاسىنىڭ  2017 جىل 20 جەلتوقسانداعى № 857 قاۋلىسىندا جاريالاندى.

قۇجاتقا سايكەس، 2017 جىلدىڭ 25 مامىرىنداعى № 288 قاۋلىعا جانە «ق ر ۇكىمەتىنىڭ توتەنشە رەزەرۆىنەن قارجى ءبولۋ» بويىنشا 2017 جىلدىڭ 8 قاراشاداعى № 721 قاۋلىسىنا وزگەرىستەر مەن تولىقتىرۋلار ەنگىزىلدى.

قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگىنە قازاقستان جانە باسقا دا ەل اۋماعىنداعى  تابيعي جانە تەحنوگەندى توتەنشە جاعداي بويىنشا ق ر ۇكىمەتىنىڭ توتەنشە رەزەرۆىنەن 2017 جىلعى رەسپۋبليكا بيۋدجەتىنەن 662،689 ميلليون تەڭگە كولەمىندە قارجى ءبولۋ تاپسىرىلدى.

قۇجاتقا سايكەس گۋمانيتارلىق كومەك كورسەتۋ ءۇشىن تاجىكستانعا 276 790 000 تەڭگە، قىرعىزستانعا 2 00 281 141،92 تەڭگە، سيرياعا 185 617 872 تەڭگە كولەمىندە قارجى بەرۋ قاراستىرىلعان.

بۇعان دەيىن قازاقستان سيريا حالقىنا ازىق-تۇلىك  تۇرىندە 500 توننا گۋمانيتارلىق كومەك كورسەتكەنى حابارلانعان.