اۋعانستاندا قۇلدىقتا بولعان كانادا ازاماتى دجوشۋا بويل سەكسۋالدىق سيپاتتاعى شابۋىل جاسادى دەگەن ايىپپەن قاماۋعا الىندى. ودان بولەك كانادالىق ەر ادامعا زاڭسىز باس بوستاندىعىنان ايىرۋ، قوقان-لوقى كورسەتۋ، قورقىتۋ، پوليسيانى الداۋ، ۋلى زاتتاردى قولدانۋ سياقتى بىرنەشە ايىپ تاعىلعان. بۇل تۋرالى Qamshy.kz اقپارات اگەنتتىگى تاسس-قا سىلەتەمە بەرىپ حابارلايدى. 

وعان 2017 جىلدىڭ 14-30 قازان ارالىعىندا جاسالعان بارلىعى 15  قىلمىسقا قاتىستى ايىپ تاعىلىپ وتىر. 34 جاستاعى  كانادا ازاماتى 30 جەلتوقساننان باستاپ قاماۋدا.

دجوشۋا بويل مەن ونىڭ ايەلى – اقش ازاماتشاسى كەيتلين كوۋلمان 3 بالاسىمەن بىرگە 2017 جىلدىڭ 13 قازانىندا اۋعانستانداعى پاكىستاندىق اسكەريلەر تاراپىنان بوساتىلىپ، تورونتوعا كەلگەن.

بويل مەن ونىڭ اياعى اۋىر ايەلى 2012 جىلى اۋعانستاندا ەرىكتىلەر جۇمىسىمەن اينالىسىپ جۇرگەن كەزدە قۇلدىققا الىنعان. قۇلدىقتا بولعان ۋاقىت ارالىعىندا ولاردىڭ 4 بالالارى تۋىلعان. الايدا ءبىر قىزدارى تەرروريستەر قولىنان قازا تاپقان.

دجوشۋا بويلدىڭ ايتۋىنشا، اۋعاندىق سودىرلار ونىڭ  قىزىن ءولتىرىپ، ايەلىن زورلاعان. مۇنداي وزبىرلىق ارەكەتتەر دجوشۋا سودىرلاردىڭ ايتاقاندارىن ىستەۋدەن باس تارتقانى ءۇشىن جاسالعان.