اۋىر سالماقتا الەمنىڭ بۇرىنعى ابسوليۋت چەمپيونى مايك تايسون كاليفورنيا شتاتىندا زاڭدى ءارى مەديسينالىق قاجەتتىلىكتەر ءۇشىن ەسىرتكى وسىرەتىن فەرما اشقانىن جاريالادى، - دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە جاساپ.
"تايسوننىڭ رانچوسى" اتتى فەرما كاليفورنيا-سيتي قالاسىنىڭ ماڭىندا ورنالاسقان. اشىلۋ سالتاناتىندا وسى جەرگىلىكتى مەكەننىڭ مەرى جانە تايسوننىڭ كاسىپتەگى سەرىكتەستەرى بولدى.
"تايسوننىڭ رانچوسى" اتتى فەرمادا مەديسينالىق سالادا كاننابينويدتىق زاتتاردى قولدانۋ جانە زەرتتەۋ جۇمىستارى قولعا الىنادى.
Mmaboxing.ru باسىلىمىنىڭ مالىمەتىنشە، سپورتشىلار كوبىنە وسى ساۋدانىڭ وكىلى بولادى ەكەن. بۇرىنعى UFC چەمپيونى ەنتوني دجونسون سپورتتىق مانسابىن اياقتاپ، وسى ىسپەن اينالىسۋعا كوشكەن. Bellator جارىسىندا ونەر كورسەتىپ جۇرگەن گەورگيي كاراحانيان كاسىپقوي سپورتشىلار اراسىندا تۇڭعىش رەت وسىنداي ءوندىرۋشى فەرمالاردىڭ ءبىرىن جارنامالاۋ ءۇشىن كەلىسىمشارت جاساسقان.
