مۇعالجار اۋداندىق سوتىنىڭ الدىندا ورنالاسقان ورتالىق ساياباقتا تولە، قازىبەك، ايتەكە بيلەرگە ارنالعان ەڭسەلى ەسكەرتكىش بوي كوتەردى، دەپ حابارلايدى Qamshy.kz اقپارات اگەنتتىگى Aktobenews.kz-كە سىلتەمە بەرىپ.
ەسكەرتكىشتىڭ اشىلۋ سالتاناتىنا مۇعالجار اۋدانىنىڭ اكىمى ەربول داناعۇلوۆ، اۋداندىق سوت ءتوراعاسىنىڭ مىندەتىن اتقارۋشى، اۋدان پروكۋرورى، مەملەكەتتىك مەكەمە باسشىلارى مەن اۋدان تۇرعىندارى قاتىستى.
شارانىڭ بارىسىندا مۇعالجار اۋداندىق سوت ءتوراعاسىنىڭ مىندەتىن اتقارۋشى ج. سەيتجاپاروۆ جيىنعا قاتىسۋشىلاردى «ءۇش بي» ەسكەرتكىشىنىڭ اشىلۋ سالتاناتىمەن قۇتتىقتاپ، XVII عاسىردىڭ ەكىنشى جارتىسى مەن XVIII عاسىردىڭ ءبىرىنشى جارتىسىندا ۇلى دالا مەدياتورى اتانىپ، اڭىزعا اينالعان اتاقتى ءۇش بي – تولە، قازىبەك، ايتەكە بيلەر تۋرالى ءسوز قوزعادى.
