جۇڭگو پحەنيان يادرولىق قارۋىن بۇدان ارى سىناۋدان باس تارتسا سولتۇستىك كورەياعا بەرەتىن اسكەري-ەكونوميكالىق كومەگىن، ونىڭ ىشىندە قىسقا جانە ورتا قاشىقتىققا ۇشاتىن زىمىرانداردىڭ جاڭا ۇلگىسىن جەتكىزۋدى ۇلعايتۋدى ۇسىنادى دەپ حابارلايدى Qamshy.kz اقپارات اگەنتتىگى ازاتتىققا سىلتەمە جاساپ. جۇڭگو كوممۋنيستىك پارتياسى ورتالىق كوميتەتىنىڭ بۇل تۋرالى «اسا قۇپيا» دەگەن بەلگى باسىلعان قۇجاتى 2017 جىلدىڭ 15 قىركۇيەگىندە قابىلدانعان. بۇدان 12 كۇن بۇرىن سولتۇستىك كورەيا سوڭعى رەت جەراستىندا يادولىق سىناق جاساعان بولاتىن. امەريكالىق Washington Free Beacon گازەتى جاريالاعان قۇجاتتى بۇرىن جۇڭگو ارنايى قىزمەتىمەن بايلانىسى بولعان ادام بەرگەن. بۇل اقپارات ازىرگە باسقا تاۋەلسىز بۇلاقتاردان راستالا قويمادى.

اقش ورتالىق بارلاۋ باسقارماسى (سرۋ) دا، قىتايدىڭ ۆاشينگتونداعى ەلشىلىگى دە گازەت اقپاراتىنا كوممەنتاريي بەرگەن جوق.

قۇجات بويىنشا، جۇڭگو سولتۇستىك كورەيادان قولىندا بار يادرولىق ارسەنالىن جويۋدى تالاپ ەتپەيدى. ءبىراق بۇل پەكيننىڭ كورەي تۇبەگىن يادرولىق قارۋدان تازا ايماققا اينالدىرۋدى كوزدەيتىن رەسمي ساياساتىنا قايشى كەلەدى. جۇڭگو سونىمەن قاتار سولتۇستىك كورەيا باسشىلىعىنا بۇۇ ەنگىزگەن ساۋدا سانكسيالارىنىڭ قولدانىلۋىن شەكتەۋگە ۋادە بەرەدى. پەكين سولتۇستىك كورەيامەن بانك وپەراسيالارىن جۇرگىزۋگە سالىنعان تىيىمنىڭ تەك قىتايدىڭ ورتالىق ۇكىمەت باقىلاۋىنداعى مەملەكەتتىك بانكىلەرىنە جانە ايماقتىق بانكتەرگە عانا جۇرەتىنىنە كەپىلدىك بەرەدى.

Washington Free Beacon ماتەريالى وڭتۇستىك كورەيا ءباسپاسوزى جاريالاعان «جۇڭگو بۇۇ قاۋىپسىزدىك كەڭەسىنىڭ سانكسياسىن وراعىتىپ ءوتىپ، سولتۇستىك كورەياعا مۇناي تاسىمالداپ وتىر» دەگەن مالىمەتپەن ۇندەس شىعىپ وتىر.